کێ وەلی ئەمری موسڵمانانە؟

وەلی ئەمری موسڵمانان پایەو مەقامێکی بە رزو بڵندە،ناوو ناوەڕۆک و ئاست و پلەیەکە خودا و پێغەمبەرەکەی دەس نیشان و دیاریان کردوە،کێیەو بەکێ دەگوترێ و مەرجەکانی چین،کاڵایەکی هەرزان بەها نیە،بتوانرێ وەک بەرتیلێک بەناڕەوا،بەغەیری ئەهلی خۆی بدرێ و بگوترێ!ناوو زاراوەیەکی ئیسلامیە بەفەرمان ڕەوایەک دەگوترێ باوەڕی بەخودا هەبێ و شەریعەتەکەی پیادەبکا،نەلەبرسا بەخەڵک دەبەخشرێ!نەلەترسا بەکەس دەگوترێ!!!نەپۆشاکێکی ئامادەشە هەرکەس هەستێ بەویستی خۆی و بەناوی دینەوە بەبەر هەموو زاڵم و ستەمکارێکیدا بکات!بەبێ ڕەچاوکردنی ئەوەی فەرمان ڕەواکە هەڵگری چ دین و

بیروباوەڕێکەو،چ سیستەم و یاساو بەرنامەیەک لەوڵاتەکەی پیادە دەکات!!ئەم باس و بابەتە،ئەمانەتێکی گەورەو باسێکی هەستیارە!!پێناسەو مەرجی تایبەتی خۆی هەیە،زانایان بەوردی باسیان کردوە،لێرەدا تەنها باس لەدوو لەو مەرجانە دەکەین،کەدوو پایەو کۆڵەکەی بابەتەکەن،دەقی قورئان و سونەتیان لەسەرە،وەکو خۆر ئاشکراو دیارن!مەرجی یەکەمیان:دەبێ وەلی ئەمری موسڵمانان: موسڵمان بێ،خودای گەورە دەفەرمێ:(( يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنْكُمْ فَإِنْ تَنَازَعْتُمْ فِي شَيْءٍ فَرُدُّوهُ إلَى اللَّهِ وَالرَّسُولِ إنْ كُنْتُمْ تُؤْمِنُونَ بِاَللَّهِ وَالْيَوْمِ الْآخِرِ))،ئەی ئەوانەی باوەڕتان هێناوە:گوێڕایەڵی فەرمانی خوداو پێغەمبەرو ئولی ئەمرەکەتان بن کەلەخۆتانە(منکم)،واتە موسڵمان و ئیماندارە ،ابن المنژر یش کۆڕا(ئیجماع)ی زانایانی لەوبارەیەوە هێناوە،کەئەمە دەقەکەیەتی:((أجمع كل من يحفظ عنه من أهل العلم أن الكافر لا ولاية له على مسلم بحال))))

پاشان ئایەتەکە بە:((يَا أَيُّهَا الَّذِينَ آمَنُوا)دەستی پێ کردوە،بەڵگەیە لەسەرئەوەی قسەکان تایبەتە بەئیمانداران،(ختابەکە)ئاراستەی باوەڕداران کراوە،بەحاکم و مەحکومەوە،غەیرە موسڵمان ناگرێتەوە،دواتر خودای پەروەردگار داوادەکات،ئەگەر کێشەو ناکۆکیەک کەوتە نێوانتان(فَرُدُّوهُ إلَى اللَّهِ وَالرَّسُولِ) بیگەڕێنەوە بۆ لای خوداو پێغەمبەرەکەی،((إنْ كُنْتُمْ تُؤْمِنُونَ بِاَللَّهِ وَالْيَوْمِ الْآخِرِ))ئەگەر باوەڕتان بەخوداو ڕۆژی دوای هەیە،ئیمانەکەشمانی پەیوەست کردوە بەگەڕانەوەو نەگەڕانەوەی کێشەکانمان بۆ لای خوداو حوکم کردنمان بەشەریعەتەکەی،ئاشکراشە غەیرە موسڵمان ئامادەنیە کێشەو ناکۆکیەکانی بەشەرعی خودا یەکلای کاتەوە،کەواتە دەبێ حاکم و فەرمان ڕەوای موسڵمان،موسڵمان بێ و مل کەچی شەرع بێ،شەرع سەروەری بێ،نەک هیچ دەستورو یاسای تر.

مەرجی دووەم :دەبێ وەلی ئەمری موسڵمانان کار بەشەریعەتی خودا(قورئان و دەستورەکەی)بکات،وەک لەفەرمودەی ام الحێین لەڕیواتی موسلم پێغەمبەری خودا بەڕونی فەرمویەتی و قەیدو مەرجیشی بۆ ڕەهایەتی فەرمودەکانی تر بەم فەرمودەیە دیاری کردوە کەدەفەرمێت((ااسْمَعُوا وَأَطِيعُوا وَإِنْ أُمِّرَ عَلَيْكُمْ عَبْدٌ حَبَشِيٌّ مَا أَقَامَ فِيكُمْ كِتَابَ اللهِ عَزَّ وَجَلَّ))،واتە گوێ بگرن و گوێڕایەڵ بن ئەگەر بەندەیەکی حەبەشیش کرابەفەرمان ڕەواتان هەتا ئەوکاتە بەقورئان حوکمتان دەکات،لەڕیوایەتێکی تریشدا،((اسمعوا وأطيعوا ولو استعمل عليكم عبد يقودكم بكتاب الله))،))،واتە هەتا:...یقودکم بکتاب الله ...بەقورئان قیادەتان بکات(مامەڵەتان لەگەڵ بکات)،بەپێچەوانەشەوە ئەگەر حاکم و سەرۆک و کاربەدەست موسڵمانیش بێ،هەموو قورئانیشی لەبەر بێ،هەر پێی ناگوترێت وەلی ئەمری موسڵمانان،هەتا بەکتابی خودا (سەرکردایەتی)وفەرمان ڕەوایەتی نەکات،کەواتە بەبەڵگەی قورئان و سونەت و ئیجماعی زانایان ئەو حاکم و فەرمان ڕەوا زالم و ستەمکارانەی جیهانی ئیسلامی ئێستا کەدەستوری خودایان بەلاناوەو گۆڕیوە(بەسیستەم و بەرنامەی تر) کاردەکەن،زۆربەی زۆریشان ئیسلامیان وەک بەرنامەی ژیان قبوڵ نیەو پێیان وایە بۆ ئەم سەردەمە ناشێ!!نمونەی موبارک و قەزافی دوێنێ و سیسی و بەشاری بەعسی خوێن ڕێژی ئەمڕۆ،کەبەرنامەی لیبریاڵی و بەعسی و شۆسیالستی و
دیمکراسی و ...هتد پەیڕەو دەکەن وەلی ئەمری موسڵمانان نین!ناشەرعی و ناڕەواو لادانیشە لەڕێبازی پێغەمبەرو هاوەڵان و پێشینی چاکی ئەم ئومەتە،ئەو ناوە پیرۆزەیان لێ بنرێ و،عەیب و عارو جەریمەو تاوانەکانیان لەسەر ئیسلام و موسڵمانان حساب بکرێ!!!

نوسيني دڵشاد گەرمياني

-----------------------------

ئەوەش شيخ عثيمين لەسەر مەسئەلەى خروج
http://www.youtube.com/watch?v=3xFgxNi2RdA&feature=share

درێژه‌ ي بابه‌ ت

گفتوگۆیه‌كی دكتۆر موسه‌نا له‌گه‌ڵ شێخێكی كوه‌یتی

 دكتۆر موسه‌نا وتی چوم بۆ كوه‌یت له‌وێ كابرایه‌كی سه‌له‌فی(مه‌دخه‌لی)ـم بینی وتی دكتۆر واز له‌ سیاسه‌ت و حزب بێنه‌ چی سودێكی هه‌یه‌ بۆ قیامه‌ت؟ وه‌ره‌ له‌بری ئه‌وه‌ وه‌كو ئێمه‌ بانگه‌واز بكه‌و ده‌عوه‌ی خۆت بكه‌و حه‌قت به‌سه‌ر هیچه‌وه‌ نه‌بێت!

منیش وتم: یا شێخ ئێستا له‌ كوه‌یت ده‌نگ وباسی چی هه‌یه‌؟
وتی هه‌رای ئه‌وه‌یه‌ كه‌وا كچ وكور له‌ خوێندن چۆن جیابكرێنه‌وه‌و له‌و تێكه‌ڵییه‌ رزگاری بێت.

وتم: خۆت ئه‌زانی رۆژنامه‌و گۆڤار و كه‌ناڵه‌كان و رۆژنامه‌نوسان و په‌رله‌مان باس باسی ئه‌وه‌یه‌ ... وتی به‌ڵێ ... وتم ده‌ی گریمان تاكو هه‌فته‌یه‌ك ئه‌مه‌ وا رۆیشت سه‌ره‌نجام چی ئه‌بێت؟

وتی بریاری له‌سه‌ر ئه‌درێت

دكتۆر موسه‌نا ئه‌مین

وتم له‌كوێ ؟
وتی له‌په‌رله‌مان
وتم ئه‌ی ئه‌وانه‌ی له‌په‌رله‌مانن چی ئه‌كه‌ن؟ سیاسه‌ت ناكه‌ن؟

وتی به‌ڵێ بێگومان!
وتم: ده‌ی باشه‌ ئه‌گه‌ر گریمان بریاره‌كه‌ واده‌رچوو كه‌وا تێكه‌ڵ بكرێن و ئیتر كه‌س قسه‌ی لێ نه‌كات ئه‌وكات چی ئه‌بێ؟ من و تۆ هه‌تا ئێواره‌ له‌سه‌ر مینبه‌ر هاواربكه‌ین حه‌رامه‌ هیچ له‌مه‌سه‌له‌كه‌ ئه‌گۆرێت؟ هیچمان پێ ئه‌كرێت؟ سودی هه‌یه‌؟

وتی: ناوه‌ڵا ...
وتم ده‌ی كه‌واته‌ په‌رله‌مانتارێك ئیشه‌كه‌ی وه‌كو ئه‌وه‌ی تۆ پیرۆزه‌ ئه‌گه‌ر ده‌نگ به‌ بریاری باش وشه‌رعی بدات ... ئایا پێت خۆش نیه‌ زۆرینه‌ی په‌رله‌مان ئه‌ندامانی عه‌لمانی نه‌بونایه‌و زۆرینه‌ ئه‌ندامی حزبه‌ ئیسلامیه‌كان بونایه‌؟

وتی به‌ڵێ !!!
وتم كه‌واته‌ بۆیه‌ سیاسه‌ت پێویسته‌ بكرێت و حزبیش بۆیه‌ پێویسته‌ تاكو بتوانین چۆن و به‌چی رێگه‌یه‌ك دینی خوا بڵاو بكه‌ینه‌وه‌ !!

درێژه‌ ي بابه‌ ت

بۆچی ئیخوان چه‌ك هه‌ڵناگرێت له‌ئێستادا ؟

دوای ئەوەی اخوان توانی لەرێی هەڵبژاردنەوەو بەدەنگی جەماوەرەكەی سەركەوتن ی گەورەو دەسەڵات بەدەست بهێنێت زۆری 

پێ‌ نەچوو روو بەرووی سەدان و هەزاران پیلانی نەیارانی بووەوە بەوەی شكستی پێ‌ بهێنن, لەدوای هەولێَكی زۆر نەتوانرا بەڵام لەدواهەمین پلانیاندا و بەیارمەتی وڵاتانی دەرەوە وەكو امریكا و اسرائیل سعوودیە و امارات توانرا سەركەوتنەكە لە مورسی بسەننەوەو سوپا رازی بكەن بەوەی كودەتای بەسەردا بكات!

 ئەوەی جێگەی سەرسورمان بوو ئەوەبوو حزبی نوری سەلەفی پشتی كردە ئیخوان كەوا لەسەرەتاوە لەگەڵی بوو ... جگە لەوە شێخی ئەزهەریش پشتی اخوانی بەرداو توانییان شانبەشانی قەشەی كەنیسەكان و نوری بەناو سەلەفی و وڵاتانی زلهێزی وەكو امریكاو اسرائیل و سعوودیەو ئیمارات خەنجەر لەپشتی ئیخوان و مورسی بدەن !! ئاخر لەكوێ‌ی دونیادا بووە موسوڵمان هاوكاری نەصرانی بكات بەوەی پشتی موسوڵمانان لەئەرز بدات !؟

ئایا دەستت ئەكەوێت نەصرانی رازی بكەیت بەوەی لەدژی نەصرانییەكان بەكاریان بهێنیت و كوشتار لەناویاندا بكەیت وەكو شێخی ئەزهەر و نوری بەناو سەلەفی لەدژی موسوڵمانان پشتی قەشەیان گرت و پشتیان كردە موسوڵمانان!؟
ئەوەبوو لەدوای یەك ساڵەی دەسەڵاتی مورسی دەسەڵات كەوتە ژێر دەستی سوپا و انقلابچییەكانەوەو زیاتر لە 90 موسوڵمان شەهید كران و زیاتر لە 1000 بریندار كران و له‌ نوێترین هه‌واڵیشدا به‌پێی په‌یجی تایبه‌تی حزبی حورییه‌و عه‌داله‌ ئه‌مشه‌و زیاتر له‌ 300 بریندارو دوو شه‌هید هه‌ن.

ئەوەی لە ئێستادا روو ئەدات خۆپشاندانی ملیۆنی و نارەزاییەكی زۆری میسرە كە رۆژ لەدوای رۆژ لەبرەودایەو شەقامەكان پڕبوونە لە جەماوەری مورسی نەك هەر ئیخوان بەڵكو حزبی ئیسلامی دیكەش هاوخەم و هاو هەڵوێستە وەكو برایانی سەلەفی جیهادی.

هەر بۆیە ئەمە موسوڵمانانی تورە كردووەو هەندێك كەس ئەڵێن بۆچی ئیخوان كە 4,000,000 ملیۆنی لەگەڵدایە دەست ناداتە چەك و روو بەرووی سوپا نابێتەوە!؟
لەراستیدا ئەبێ‌ ئێمە هەموو عاقڵانەو ژیرانەبێت دووربێت لە عەتف و سۆز ... چونكە هەرككارێك عاقڵانە نەكرا پەشیمانی بەدواوەیە.


ئەبێ‌ ئەوە بزانین كە چه‌ك نابێت به‌ده‌ست حیزبه‌وه‌بێت به‌ڵكو ئه‌بێت حكومه‌ت یان ده‌وڵه‌ت مامه‌ڵه‌ی پێوه‌ بكات ئه‌ویش به‌ شه‌رع و قانون و بریاری ژیرانه‌ی به‌رێوه‌به‌رانی وڵات.

ئه‌گه‌ر ئیخوان چه‌كی به‌كار هێنابا ئێستا گه‌وره‌ترین كوشتارگه‌ له‌ مصر رووی ئه‌دا ..!! چونكه‌ ئه‌بوو به‌ بیانوو بۆ سوپا كه‌وا به‌ ئاره‌زووی خۆی ئیسلامیه‌كان قه‌گڵ وعام بكات... به‌ڵام ئێستا هیچ بیانویه‌كی نیه‌ بۆ ئه‌وكاره‌ی ، ئه‌وه‌تا ئه‌وه‌ی كردی له‌به‌رده‌م گاردی كۆماری وڵاتانی جیهانی هێنایه‌ ده‌نگ به‌وه‌ی ئه‌وه‌ كارێكی ناره‌وایه‌و ئه‌و كوده‌تایه‌ ناشه‌رعییه‌و ئه‌بێت مورسی ئازاد بكرێت.


سه‌ره‌رای ئه‌وه‌ش ئه‌وه‌ی ئیخوان باوه‌ری پێ نه‌بێت شه‌ری كۆڵان به‌كۆڵان و شه‌ره‌ حزب و كوشتن و برینه‌ ... له‌وه‌دا هیچ خێرێكی تیا نیه‌، نمونه‌شمان زۆره‌ ئه‌وه‌تا وه‌زعی موسوڵمانانی سوریا ببینین به‌سمانه‌ بۆ ئه‌وه‌ی بگه‌ین به‌و قه‌ناعه‌ته‌ !! دوو ساڵه‌ شه‌ره‌و تائێستاش یه‌كلایی نه‌بوه‌ته‌وه‌، هه‌ربه‌راستی تامی تیا نه‌مــا ئه‌وه‌نده‌ به‌چكه‌ی فه‌قیر له‌منداڵ و ژن كوژران و بازاره‌كان داخران و گرانیه‌ك وڵاتی داپۆشیوه‌و رۆژانه‌ له‌برسا موسوڵمانان ئه‌مرن !! من له‌و قه‌ناعه‌ته‌یام سوریا نایاته‌وه‌ دۆخی ئاسایی خۆی مه‌گه‌ر زۆر به‌زه‌حمه‌ت.

ئه‌گه‌ر به‌ویژدانه‌وه‌ باسی كوردستانیش بكه‌ین به‌راستی ئه‌وه‌ ئاشكرایه‌ كه‌وا سه‌رجه‌می حزبه‌كان له‌هه‌ڵگرتنی چه‌ك سوودمه‌د نه‌بوون !! به‌ ئیسلامی و عه‌لمانیشه‌وه‌، وه‌ له‌و باوه‌ره‌دام سه‌رجه‌میان په‌شیمانن ئه‌گه‌ر ئه‌مرۆ په‌شیمان نه‌بن رۆژێك هه‌ردێت په‌شیمان بن.


ئیخوانیەكان هیچ كات له‌گه‌ڵ ئه‌وه‌ نه‌بوونه‌ كاولكاری بكه‌ن وه‌كو چۆن عه‌لمانیه‌كان له‌كاتی له‌ده‌ستدانی ده‌سه‌ڵات ئه‌یكه‌ن !! وه‌كو كرا، ... چونكه‌ ئه‌گه‌ر بریار وابێت ئیسلامیه‌كان ئاشته‌واییان بوێت و نیه‌تی خزمه‌ت و ئاوه‌دانكردنه‌وه‌یان هه‌بێت ئه‌وه‌ نابێت كارێكی له‌و جۆره‌ بكه‌ن ئه‌گه‌رچی بۆ تۆڵه‌ سه‌ندنه‌وه‌ش بێت صه‌بر گرتن باشتره‌.

ئەوەی ئاشكرایە ئەوەیە ئیخوان ئامانجی سەرەكی گرتنە دەسەڵات نیە بەڵكو خزمەت كردن و ئاوەدانكردنەوەو فەراهەمهێنانی ژیانێكی خۆش بۆ هاوڵاتیان و دابینكردنی ئازادی و دادپەروەری و بەختەوەری ئەگەرچی وڵات فرە بۆچون فرە دین و فرە حزبیش بێت.

هاورێیەكم بۆی گێرامەوە كە لەساڵی 1994 لەهەولێر لەگەڵ بەرپرسێكی ئیخوانی میسر دانیشتبووم باسی ئه‌وه‌ی بۆ كردم كه‌ ئه‌وان واتا ئیخوان ده‌توانێت زۆر به‌ ئاسانی ده‌سه‌ڵات وه‌ربگرێت به‌ڵام بۆیه‌ ئه‌وان چاویان له‌ ده‌سه‌ڵات نییه چونكه‌ ده‌زانن ده‌بێت گه‌لی میسری قوربانییه‌كه‌ بداته‌وه‌و به‌ كێشه‌ی ئابووری تۆله‌ له‌و میلله‌ته‌ ده‌كه‌نه‌وه‌ !!
هەروەها وتی من له‌گه‌ڵ به‌ڕێزێكی رۆژنامه‌ی الحریه‌ و العداله ئه‌و شته‌م باسكرد وتی وامانزانی دونیا گۆراوه به‌ڵام وادیاره‌ دونیا هه‌ر هه‌مان دونیایه‌ هێشتا ماوه!
هه‌ر دوێنێش ئه‌وه‌ی رۆژنامه‌ی الحریه‌ و العداله‌ وتی : عه‌لمانیه‌كان وه‌خته‌ شێت بن چونكه‌ ئێمه‌ ده‌ست بۆ توندوتیژی نابه‌ین!

دەرەنجام گەیشتینە ئەوەی كەوا ناكرێت چەك بێتە نێو كایەی سیاسەتی نێو خۆیی وڵاتئەگەرچی هەندێ كات وابەمێشكی هەندێكدادێت... لەگەڵ هەموو ئەمانەشدا ئەبێ‌ ئەوە بزانین كەوا سوپای میسر هیچ بیانویەكی بەدەستەوەنیە بۆ كوشتنی هاوڵاتیان و خۆپشاندەران.. وە ناتوانێت تۆمەتی خراپیان ئاراستە بكات, بەنمونە ناتوانێت بڵێت ئەمانە توندوتیژی ئەكەن بۆیە پێویستە بەتوندوتیژی بەرەو روویان بینەوە, یاخود ناتوانن بڵێن ئەمان كاولكاری ئەكەن بۆیە مامەڵەی ئیراهبیان لەگەڵ ئەكرێت .. هتد.

وە پێم سەیرە هەندێك دێن و ئەڵێن بۆچی ئیخوان ئیعلانی جیهاد ناكات !!؟؟
جارێ‌ نازانین ئەوكەسانە هیچ خیبرەیەكیان بە جیهاد و چۆنیەتی و مەرجەكانی هەیە !؟ یان لەخۆرا قسە ئەكەن و دڵگەرمییان وایانی لێكردووە بیر لە شتێكی وەها بكەنەوە كە هیچ مەرجێكی ئیعلانی جیهادی نیە!
پێویستە هەندێ‌ك شت هەیە بیزانن, میسر وڵاتێكی موسوڵمانە و ئیسلامیە... ئەو هێز و سوپایە لەهەموو پێكهاتەو بیرو بۆچوونەكانی تێدایە بە ئیخوانەكانیشەوە چونكە لەوێ‌ بون بە سەرباز بە موالیدە نەك ئیختیاری و بوونی ئینتیما !! دەی تۆ ئامادەی موسوڵمان بكوژیت؟
وەكو لای خۆمان... هەرچەندە ئەوەی لای خۆشمان جێگەی تێرامانە چونكە 95% ی ئەو خەڵكە لەبەر بژێوی بوە بە پێشمەرگە و پۆلیس !! نەك لەبەر خاتری پەرۆی زەرد و سەوز !! ئەمەش وای كردووە قورئانخوێن و نوێژكار و كەسانی زۆر بەرێز بەدی ئەكرێت تیایاندا هێشتا هی ئەوەنیە جیهادی بەرامبەر بكەیت!! چونكە جیهاد بەرامبەر بە كافرو مونافق ئەكرێت نەك موسوڵمانی لاوازو كەم دەرامەت و بەش مەینەتی وڵات!!
قال تعالی یا أیها النبی جاهد الكفار والمنافقین واغلڤ علیهم ومأواهم جهنم وبئس المصیر.


ئەی پێغەمبەر (صلی الله علیە وسلم) تێبكۆشە بەرامبەر بە بێباوەران و دوو رووەكان وبیان بوغزێنن و خۆشتان نەوێن, ئائەوانە تورەیی خوایان بەسەرەوەیە و دەرەنجام جیًگەیان دۆزەخە, كە بەراستی خراپترین و ناخۆشترین شوێنە بۆیان.
خولاسە ئەبێ‌ ئەوەندە فكرمان هەبێت كەوا مەرجێك بۆ ئیعلانی جیهاد ئەوەیە كە سوپا رێگری لە بڵاوبوونەوەی دینی خودا بكات!! دەی كوا شتی وەها لەئارادا هەیە ..؟ نەخێر ئەمە گرفتێكی نیو خۆیی وڵاتێكەو تەنها بەگفتوگۆ چارە ئەكرێت ئەگەر بەوەش چارەنەكرا ئەوا گردبوونەوەی نارەزایی ئەكرێت و فشار لەسەر دەسەڵاتی قۆرخكار و سوپای انقلابچی درووست ئەكرێت تاكو ملكەچ ئەبێت .. وەكو چۆن پێشتر حسنی مبارك ملكەچ بوو ... ئایا ئەوەش بە جیهاد و چەك بوو ؟؟
ـــــــــــــــــــــــــــــــــــــــــــــــــــــ
محمدكاكه‌برا ... 16-7-2013

درێژه‌ ي بابه‌ ت

تانه‌و جنێودان به‌یه‌كتر له‌ نێوان موسوڵماناندا

 
الإمام ابن باز رحمه الله ئه‌فه‌رمووێ:

هەر كەسێك ئەگەر ڕەخنەی لە هەر كۆمەڵێك هەبوو، ئەوا ئامۆژگاری ئەكرێن و بۆ ئەوان و بۆ سەرۆكەكەیان ئەنووسرێت،

وە بە پێی بەڵگە ئەو گلەو ڕەخنانەی كە لەسەریان هەیانە بۆیان ڕوون ئەكرێتەوە، بە نەرم و نیانی و بە حیكمەت.

ئا ئەمەیە شێوەی ئامۆژگاری كردن و مكوڕ بوون لەسەر مسۆگەر كردنی خێرو پالًَپێوەنانی شەڕ و پێكەوە جۆشدانی دڵەكان و زۆر مسۆگەر كردنی خێرو كەمكردنەوەی شەڕەكان.

بەڵام ناوو ناتۆرە لێنان و زەمكردنی ئەم و ئەو، ئەوا ڕیزەكان پەرت ئەكەن و كۆمەڵەكان لەیەكتر دا ئەبڕێنن و قوڕو لیتەكان زیاتر ئەگیرێنەوە و شەڕەكان هەندەی تر زۆرتر ئەبن،

بۆیە ئامۆژگاریم بۆ هەموو ئەو كۆمەڵە ئیسلامییانە و هەمو ئەو برایانەی (لێرەدا پچڕانێك لە كاسێتەكەدا درووست بووەو، بۆیە زۆر قسەكانی شێخ ڕوون نیین) ئەوانەی كە دژایەتی لەگەڵ ئەوانیتردا ئەكەن، یان جنێو بەوانی تر ئەدەن و ڕقیان لەوانی ترە، ئامۆژگاریم ئەوەیە كە هەڵسن بە ئامۆژگاری كردنی یەكتر،

وە نەكەن هەڵەی یەكتر بڵاو بكەنەوە،!!!

یان جنێو بە یەكتر بدەن، كە ئەبێتە مایەی لێكدوور كەوتنەوەی خەڵك لە یەكتر.. بەڵام ئەو كەسەی كە بانگەواز بۆ ئیسلام ئەكات و ئیسلامی گەڕەكە،

و ئیسلام بڵاو ئەكاتەوە، مەبەستیشی پێ نزیك خستنەوەی خەڵكە لە خێر و دوورخستنەوەیانە لە شەڕ، ئەوا واجب ئەوەیە كە زیاتر بۆ ئەو كارە خێرە هانبدرێن و لەو خراپانەی كە تێیاندا مسۆگەریشە لێی ئاگادار ئەكرێنەوە ، تاكو خێر زیاتر دەركەوێ و شەڕیش كەمتر بێتەوە.
فەرموون لەم لینكەی خوارەوەش گوێ لە قسەكانی شێخ بەدەمی خۆی بگرنەوە:
ئەمەیە هەڵوێستی زانایان لە دەمی خۆیانەوەو ئەمەیش درۆ شاخدارەكانی ئەوان كە لە ژێر درووشمی (درۆ بكەن دۆر بكەن تا پێتان باوەڕ ئەكەن) دێن هەتا بۆختان بە زاری ئەو شێخە پاكانەشەوە هەڵئەبەستن.!! خوا بە مانەوە نەمانگرێت. (ئامین)

ئه‌مه‌ش ده‌قه‌كه‌ی به‌ عربی وه‌كو خۆی:
فمن كان عنده نقد لأي جماعة؛ فينيَح لها، ويكتب لها ولرئيسها، ويُوضح ما ينتقده عليها بالأدلة، وبالرفق والحكمة، وهكذا تكون المنايَحة، والحريَ على جلب الخير ودفع الشر، وعلى تأليف القلوب، وعلى كثرة الخير وقلة الشر.
أما التنابز بالألقاب، وذمُّ هذا وذمُّ هذا فهو يمزِّق اليَف ويُفرِّق الجماعة، ويزيد الطين بلِّة، ويزيد الشر شراً..فنيَيحتي لجميع الجماعات المنتسبة إلى الإسلام، ونيَيحتي للإخوان الذين [يظهر أن التسجبل قد انقطع هنا، ولذا فغير واضح الكلام الذي بُدأ به] يعادون الأخرى، أو يسبون الأخرى أو يكرهون الأخرى، التنايَح، وعدم إظهار الشناعة أو السب الذي يفرِّق الناس..أما من كانت تدعوا للإسلام ، وتريد الإسلام، وتنشر الإسلام وقيَدها تقريب الناس إلى الخير، وإبعادهم من الشر، فإن الواجب تشجيعها على ما عندها من الخير، وتنبيهها على ما عندها من الشر وتحذيرها منه، حتى يكثر الخير، ويقل الشر.

الإمام ابن باز رحمه الله
***********************************************

درێژه‌ ي بابه‌ ت

په‌ندى پێشینان

.............................................

 

1- قه‌ل  به‌ قه‌لی وت ڕووت ڕه‌ش بێت.

2- چه‌م بێ چه‌قه‌ڵ نابێت

3- له‌ هه‌موو هه‌ورێک باران نابارێت

4- ئه‌وه‌ی سمێڵی سوور بێت هه‌مزاغا نیه‌

5- نان ئه‌و نانه‌یه‌ ئه‌مڕۆ له‌خوانه‌

6- ده‌ستی ماندوو له‌سه‌ر سکی تێره‌

7- گۆشتی لاڕانی خۆت بخۆ مننه‌تی قه‌ساب هه‌ڵمه‌گره‌

8- تا خاوه‌ن  ماڵ دزی گرت،دز خاوه‌ن ماڵی گرت

9- که‌ زۆر هات قه‌واره‌ به‌تاڵه‌

10- ماڵ له‌ خۆی نه‌بوو میوانیش ڕووی تێکرد

11- سه‌ری نایه‌شێت په‌ڕۆی لێ به‌ستووه‌

12- که‌ڵه‌شێریش نه‌بێت ڕۆژ ئه‌بێته‌وه‌

13- سه‌فه‌رو مه‌عامه‌له‌ سه‌نگی مه‌حه‌که‌

14- کاری ئه‌مڕۆ مه‌خه‌ره‌ سبه‌ی

15- گیا له‌سه‌ر بنجی خۆی ئه‌ڕوێته‌وه‌

16- به‌رد له‌ جێ ی خۆی سه‌نگینه‌

17- دۆم بێت و کڵاش بۆ خۆی دروست کات

18- مار ڕقی له‌ سیره‌، سیریش   له‌ به‌رده‌م کونی مار ئه‌ڕوێت

19- سه‌لکی سیری یان قنچکی پیازی

20-هه‌موو شتێک به‌ خوێ، خوێش به‌ مانا

21- ماڵی قه‌ڵب سه‌ر با خاوه‌نێتی

22- ماست نیه‌ به‌ ده‌مته‌وه‌ دیار بێت

23-چی بچێنیت ئه‌وه‌ ئه‌دووریته‌وه‌

24- پاره‌ بده‌و مه‌لا له‌ مزگه‌وت ده‌رکه‌

25- سه‌یری دایک بکه‌و ، دوێته‌ بخوازه(داڵک بدوێنه‌و دوێته‌ بخوازه‌‌)‌

26- ماسی له‌ به‌حرا سه‌ودا ناکرێت

27- شه‌ل نی یه‌ پێ ی  شکاوه‌

28- قه‌دری زێڕ لا ی زه‌ڕه‌نگه‌ره‌

29- ئاش له‌ خه‌یاڵێک ، ئاشه‌وان له‌ خه‌یاڵێک

30- به‌ به‌ردێک دوو چۆله‌که‌ی کوشت

31- برسێتی ڕه‌گی هاری به‌ده‌مه‌وه‌یه‌

32- دار هه‌ڵبڕه‌ سه‌گی دز دیاره‌

33-دوو پشکه‌ له‌خۆی به‌شکه‌

34- بۆ ڕیش جوو سمێڵیشی دانا

35- مریشک هێلکه‌ی قازی کرد  قنگی دڕا

36- به‌ قه‌د به‌ڕه‌که‌ی خۆت قاچ ڕاکێشه‌

37- هه‌ر که‌س به‌ لێفه‌ی خۆی بنوێ

38- کێ خواردوویه‌ته‌وه‌و کێ ی گرتووه‌

39- بانێکه‌و دوو هه‌وا

40- به‌ڕه‌ لای ته‌نکیه‌وه‌ ئه‌دڕێ

41- کونه‌ مشکی لێ بووه‌ به‌ قه‌یسه‌ری

42- گه‌وره‌ ئاو ئه‌ڕێژێ و بچوکیش قاچی تێوه‌ر ئه‌دات

43- کوێر تا ئه‌مرێ به‌تامای دوو چاوی ساغه‌

44- کاسه‌ی پڕ ئاشتی ماڵه‌

45- ئه‌وه‌ی که‌ بۆ گوو که‌ر هه‌ڵ ئه‌که‌وێت بۆ ڕاوکه‌ر هه‌ڵ ناکه‌وێت

46- نان بۆ نانه‌وا گۆشت بۆ قه‌ساب

47- له‌ کاتی ڕاوا نه‌بێت گووی نایه‌ت

48- به‌ری ڕۆژ به‌ بێژنگ ناگیرێت

49- دوو گا له‌ دۆڵێکا ڕه‌نگی یه‌ک نه‌گرن خوی یه‌ک ئه‌گرن

50- ندی و بدی کورێکیان بوو له‌ جیاتی ناوک کێریان بڕی

51- تف هه‌ڵده‌ ناو چه‌وانی خۆت ئه‌گرێته‌وه‌

52- کای کۆن به‌با مه‌که‌

53- هه‌تا گوندۆر گوندۆر بوو خزمی مه‌ گه‌له‌ک زۆر بوو، گوندۆر هاته‌ بڕانێ خزمی مه‌ هاته‌ قڕانێ

54- گۆزه‌ی تازه‌ ئاوی خۆشه

55- ئه‌و ماسته‌ بێ موو نی یه‌

56- ئه‌و باوکه‌ی مه‌له‌وان بوو کوڕه‌که‌ی ئاو بردی

57- به‌رد تل بده،‌ بێ کار مه‌به‌

58- دۆم به‌ دانیشتن ماڵی وێرانه

59- کا هی خۆت نه‌بوو کایێنه‌که‌ هی خۆت بوو

60- سه‌ری بێ ده‌لاک مه‌تاشه

61- مریشک هێلکه‌ش ئه‌کات و ڕیقنه‌ش ئه‌کات

62- گۆم تا قووڵ بێت مه‌له‌ی خۆشه‌

63- له‌  ئاوی خووڕ مه‌ترسه‌ له‌ ئاوی مه‌نگ بترسه‌

64- له‌ بخۆر مه‌ترسه‌ له‌ نه‌خۆر بترسه‌

65- ده‌ریا به‌ ده‌می سه‌گ گڵاو نابێت

66- باری که‌ر دایم قورسه

67- بووکێ له‌گه‌ڵ تۆمه‌ خه‌سوو تێبگه‌

68- دیوار له‌گه‌ڵ تۆمه‌و پاسار گوێت لێ بێت

69- هه‌موو که‌س له‌ شه‌ڕواڵی خۆی دا پیاوه‌

70- که‌س به‌ دۆی خۆی ناڵێت ترشه

71- ئه‌یه‌وێت ماسی بگرێت و قاچیشی ته‌ڕ نه‌بێت

72- ده‌سته‌ چه‌وره‌که‌ی خۆت به‌ من مه‌سڕه

73- مردوو له‌وه‌ پاکتر ناشۆرێت

74- له‌ ئاش زۆری پێچووه‌، له‌ ڕێگا په‌له‌ په‌لیه‌تی

75- دوای کڵاوی با بردوو مه‌که‌وه‌

76- ئه‌و هه‌ویره‌ ئاو زۆر ئه‌کێشێت

77- ته‌شی ڕێس ته‌شی ڕێس بێت به‌کلکی که‌ریش بێت ئه‌ی ڕێسێت

78- بیانووی تڕ نانی جۆیه‌

79- به‌ختی له‌ هه‌موو شتێکدا ڕه‌شه‌،ته‌نها له‌ شووتی دا سپی یه‌

80- سه‌ری له‌ به‌ر هه‌تاو سپی نه‌کردووه‌

81- من هه‌ر به‌ پاڵووت ئه‌که‌م و تۆ هه‌ر ئه‌بیت به‌ پاشوو

82- من ئه‌ڵێم نێره‌ ئه‌و ئه‌ڵێت بیدۆشه‌

83- ڕێوی به‌ کونا نه‌ ئه‌چوو شتێکیشی به‌ست به‌خۆیه‌وه‌

84- که‌ گوورگ پیر بوو ئه‌بێت به‌ مه‌خسه‌ره‌ی سه‌گ

85- ڕێوی له‌ کونی خۆی هه‌ڵگه‌ڕێته‌وه‌ گه‌ڕ ئه‌بێت

86- که‌ری دێز حه‌ز به‌ تۆپینی خۆی و زه‌ره‌ری ساحێبی ئه‌کات

87- نان خۆرت بمرێ به‌س مشور خۆرت نه‌مرێ

88- ئه‌وه‌ی ده‌تگرێنێت دۆسته‌، ئه‌وه‌ی که‌ پێت پێ ئه‌که‌نێ دوژمنته‌

87- له‌ ده‌ گوێز گوێزێک پووچ ئه‌بێت

88- که‌ جام پڕ بوو لێ ی ئه‌ڕژێ

89- سه‌رێکی هه‌یه‌و هه‌زار سه‌ودا

90- له‌ ده‌رگای هه‌ر که‌سێکت دا له‌ ده‌رگات ئه‌ده‌نه‌وه‌

91- ده‌نگی ده‌هۆڵ له‌ دوور خۆشه‌

92- ئه‌گه‌ر مار جارێک پێوه‌ی دایت خوا بیگرێ، ئه‌گه‌ر بوو بو دوو جار خوا تۆ بگرێت

93- با له‌ هه‌ر کوێیه‌که‌وه‌ بێت ئه‌و له‌وێ شه‌ن ئه‌کات

94- له‌ کانی یه‌ک ئاوت خوارده‌وه‌ لێڵی مه‌که‌

95- دار به‌ ته‌وری وت گه‌ر کلکت له‌ خۆم نه‌ بوایه توانای بڕینمت نه‌ ده‌بوو

درێژه‌ ي بابه‌ ت

(10) ده وەسیەتی پێشەوای شەهید حەسەن بەننا

بیخوێنەرەوە ، بیری لێبکەرەوە ، بڵاوی بکەرەوە ، کاری پێبکە

* هەستە بۆ نوێژەکەت هەرکاتێک گوێ بیستی بانگ بوویت لەهەر بار و دۆخێکدا بوویت
* قورئان بخوێنە یان کتێب بخوێنە یان گوێ بگرە یان زیکر و یادی خوا بکە و ڕێگە مەدە هیچ کاتێکت تێپەڕێت بەبێ ئەوەی سودی لێوەرگریت

*هەوڵبدە خۆت فێری عەرەبی پاراو و فوصحە بکەیت " ئەم قسانەی بۆ عەرەب کردووە چونکە زۆرینەی عەرەب بە لەهجەی جڵفە و ناوخۆیی قسە دەکەن نەوەک بەو عەرەبیەی کە قورئانی پێدابەزیوە واتە نەک گەلە ناعەرەبەکان بەڵکو زۆرینەی عەرەبەکانیش ئەوزمانی عەرەبیە نازانن کە قورئانی پێنوسراوە "
* زۆر چەلەحانێ مەکە لەسەر هیچ باسێک هەرچیبێت ئەو باسە چونکە چەلەحانی خێری تێدا نیە

* زۆر کاتت بەپێکەنین بەسەر مەبە چونکە دڵی پەیوەست بەخوا ئارام و بەویقارە

* زۆر گاڵتەوگەپ مەکە چونکە گەلی تێکۆشەر تەنها کاری جدی دەزانن
* دەنگت بەرز مەکەرەوە لە ئاستی پێویست

* دوور کەوەرەوە لە غەیبەتی کەسەکان و شکاندنی تاقم و گروپەکان وە قسەی خێر نەبێت مەیکە
* هەرکەسێکت پێگەیشت لە هاوکاروانیانت یەکتر ناسین ئەنجام بدەن ئەگەر لێشی داوا نەکردیت چونکە بنچینەی بانگەوازەکەمان لەسەر خۆشەویستی و یەکتر ناسینە

* کارە پێویستەکان زیاترن لە کاتەکان هاوکاری کەسانیتر بکە لەکارەکاندا بۆ ئەوەی کەمترین کاتی تێبچێت 

درێژه‌ ي بابه‌ ت

تۆمەتی حیزبییەت تا چەند لە جێگەی خۆیەتی؟

دەربارەی حیزبییەت: ئەگەر سەرنج لەو مورجیئانەی سەردەم بدەین و تاوێك گوێیان بۆ شلوەكەین، ئەبینین چۆن بێ ڕەحمانە ئەكەونە بەر گۆشتی مسوڵمانان و شەن و كەوییان ئەكەن و بە حیزبییان لەقەڵەم ئەدەن، ناوێریت دەمییان لێ وەكەیت یەكسەر ئەڵێن فوڵان حیزبییە، بۆیە زۆریان لا ئاساییە كە چاكو چۆنییت دەگەڵدا ببڕن و لە هەموو شوێنێك غیبەتت بكەن،  بێئاگاشن لەوە كە خۆیان تەسكترین حیزبی سەر ڕووی زەوین!! حیزبی لا جەماعی، حیزبی مورجیئەی سەردەم، حیزبی موقەللید،  هەموو ئەو حیزبو میزبانە دوو ڕووی یەك هەقیقەتی ئەو حیزبەن!! بەڵام سەیر لەوەدایە كە دێیت پێیان ئەڵێیت: ئاخر ئێوەی بێ ئیش چ خوا هەڵئەگرێت کە‌ نان بەوگێژاوەتان پەیا ئەكەن! دێن و ئەڵێن ئەمە نەهجی ڕاست و درووستی سەلەفییەتە، چونكە زاناكانمان وان ئێمەش ئەبێ وا بین؟!!دەجا بزانین ئەو زانایانەی كە دەمییان پێیان گەرمە وان و وا ئەڵێن؟ شێخ (صالح الفوزان) لە وەڵامی پرسیارێكدا ئەڵێت:أنا أقول اتركوا الكلام في الناس اتركوا الكلام في الناس ، فلان حزبي ... فلان كذا  … اتركوا الكلام في الناس ابذلوا النيَيحة وادعو الناس إلى اجتماع الكلمة ،  وإلى تلقي العلم عن أهله ، وإلى الدراسة اليَحيحة ، إما دراسة دينية وهذه أحسن ، أو دراسة دنيوية تنفع نفسك وتنفع مجمتعك ، أما الاشتغال بالقيل والقال ، فلان مخطىء ، وفلان ميَيب ، وفلان كذا [كلمة غير واضحة]... هذا هو الذي ينشر الشر ، ويفرق الكلمة ، ويسبب الفتنة...إذا رأيتَ على أحدٍ خطأ ..تنايَحه بينك وبينه من تجلس في مجلس ، تقول فلان سوى كذا وفلان سوى كذا...تنايَحه فيما بينك وبينه ..هذه النيَحية أما كلامك في المجلس عن فلان هذه ليست نيَيحة هذه فضيحة..هذه غيبة..هذه شر . نعم  واتە: من ئەڵێم: دەست لە قسە كردن لە خەڵكی هەڵگرن، فوڵان حیزبییە، فوڵان ئەمەیەو فوڵان ئەوەیە، واز لەمە بهێنن، خۆتان بە ئامۆژگارییەوە خەریك  بكەن، خەڵك بانگ بكەن بۆ یەكخستنی ووشەكان و وەرگرتنی زانستی شەرعی لە ئەهلی خۆی بە دیڕاسە كردنێكی درووست، جا یا دیڕاسەیەكی دینی بێت كە ئەمەیان لە هەمووان باشترە، یان دیڕاسەیەكی دونیایی بێت كە سوود بە خۆت و بە كۆمەڵگا بگەیەنێت.  بەڵام خۆ خەریككردن بۆ قسەو قال و فوڵان هەڵەیەو فوڵان لەسەر هەقەو فوڵان واو فوڵان وایە، ئەوە شتێك نییە.. تەنها ئەوە نەبێت كە شەڕ بڵاو ئەكاتەوەو ووشەكان لێك دوور ئەخاتەوەو فیتنە دەنێتەوە، ئەگەر كەسێكت بینی كە لەسەر هەڵەیە ئەوە لە نێوان خۆت و خۆیدا ئامۆژگاری ئەكەیت، بەڵام لە كۆڕەكان دا ئەنیشن و قسە لەسەر فوڵان و فوڵان ئەكەن ئەوە ئامۆژگاری نییە، بگرە ئەوە ئابڕوو بردنە،  ئەوە غیبەتە، ئەوە شەڕە. بەڵێ. http://www.sohari.com/nawader_v/fatawe/fozan.html

درێژه‌ ي بابه‌ ت

پیغه‌مبه‌ر و كاری سیاسی

زۆرێك له‌و كه‌سانه‌ى كه‌ تێگه‌یشتنیان بۆ ئیسلام كرچ و كاڵه‌و له‌واتا راسته‌قینه‌كه‌ى ئیسلام به‌ ته‌واوى نه‌گه‌یشتوون یان خۆیانى لىَ دوور ئه‌گرن و دژ به‌وه‌ن كه‌ باسى ئیسلام وسیاسه‌ت پێكه‌وه‌بكرێت ،

عمر ره‌حمان

وه‌هه‌ندىَ له‌و كه‌سانه‌ش كه‌ خۆیان به‌ شوێنكه‌وته‌ى ئه‌و پێغه‌مبه‌ره‌ نازداره‌ ده‌زانن برِوایان وایه‌ كه‌ پێغه‌مبه‌ر ( درودى خواى له‌سه‌ر بێت ) ته‌نها رێنمایی كه‌رێكى رۆحى بووه‌و ته‌نها بۆ ئه‌وه‌ نێرراوه‌ كه‌په‌یوه‌ندى نێوان خواو به‌نده‌كان رێك بخات وپه‌یوه‌ندى به‌كاروبارو ژیانى خه‌ڵكیه‌وه‌ نه‌بێت ، به‌ڵام ئه‌گه‌ر سه‌رنجێكى خێرا له‌ ژیانى ئه‌و سه‌روه‌ره‌ بده‌ین ( درودى خواى له‌سه‌ر بێت ) به‌ ئاشكرا پێچه‌وانه‌ى ئه‌م بۆچوونه‌مان بۆ ده‌رئه‌كه‌وێت و ده‌بینین كه‌ئه‌و پێشه‌وایه هه‌ردو كارى دنیاو قیامه‌ت یان به‌واتایه‌كى تر كارى رۆژانه‌و په‌یوه‌ندى نێوان مرۆڤه‌كان له‌لایه‌ك و په‌یوه‌ندى نێوان خواو به‌نده‌كانى له‌ لایه‌كى تره‌وه‌ رێكخستووه‌ به‌پێى ئه‌و وه‌حیه‌ى كه‌ له‌ لایه‌ن په‌روه‌ردگاره‌وه‌ بۆى هاتووه‌و ئه‌ویش بۆ خه‌ڵكى رِونكردوه‌ته‌وه‌، ئه‌م نوسینه‌ش دڵۆپێكه‌ له‌ده‌ریاى فراوانى ژیانى ئه‌وسه‌روه‌ره‌ به‌وهیوایه‌ى بتوانین هه‌ندێك به‌رچاو رِوونى بده‌ین له‌وباره‌وه‌.

 سیاسه‌ت به‌شێكه‌ له‌ ژیان ، ناتوانرێت وازى لىَ بهێنرێت ، كاتێك ئیسلامیش هات سیاسه‌تى كرده‌ به‌شێكى سه‌ره‌كى ودانه‌برِاو له‌ ئاین ، پێغه‌مبه‌ر ( درودى خواى له‌سه‌ر بێت ) له‌یه‌كه‌م رۆژى بانگه‌وازه‌كه‌یه‌وه‌ كارى سیاسى ئه‌نجام دا ،

هه‌روه‌ك دواتر په‌یماننامه‌ى مۆركردو به‌ڵێننامه‌ى به‌ست و سوڵحى كر دو ده‌ستورو یاسایه‌كى دانا كه‌ وێنه‌ى نه‌بوو ، سوپاى ئاماده‌كرد بۆ پارێزگارى له‌ سه‌روماڵ و خاكى موسڵمانان و رزگاركردنى خه‌ڵكانى چه‌وساوه‌و ژێرده‌سته‌ به‌هۆى سیاسه‌تى حه‌كیمانه‌یه‌وه‌ دیارده‌كانى گه‌نده‌ڵى وبێباوه‌رِى و بت په‌رستى له‌ناو بردو له‌شوێنىدا تۆوى دادگه‌رى چاند ،

به‌هۆى ئه‌و وه‌حیه‌ى كه‌ په‌روه‌ردگار بۆى نارد رێگاى راستى پیشانى خه‌ڵكدا بۆ ئه‌وه‌ى له‌دنیادا ئاسوده‌یان بكات و فریادره‌سى قیامه‌تیشیان بێت . ئه‌گه‌ر سیاسه‌ت به‌واتاى به‌رێوه‌بردنى كاروبارى خه‌ڵكى ورێكخستنى ژیانیان بێت ، ئه‌وا كرۆكى ئاین بریتیه‌ له‌ سیاسه‌ت ، ئه‌مه‌ش له‌ داواكارى وسپارده‌كانى په‌روه‌ردگاره‌ بۆ ئوممه‌تى چاكترین پێغه‌مبه‌ر ( درودى خواى له‌سه‌ر بێت ) به‌ڵگه‌كانى ئه‌م بۆچونه‌ش ئه‌وه‌نده‌ زۆرن له‌ئه‌ژمار نایه‌ن ،

 هه‌موو موسڵمانێك پێویسته‌ بزانێت كه‌ ئیسلام هات بۆ دروستكردنى ئوممه‌تێك ودامه‌زراندنى سسته‌م و ده‌وڵه‌تێك كه‌ دادگه‌رى بچه‌سپێنێت و بجه‌نگێت له‌گه‌لڕ بىَ باوه‌رِى و خراپه‌كارى وه‌ ئه‌حكامه‌كانى جآبه‌جآ بكات . سه‌روه‌رو پێشه‌وامان ( درودى خواى له‌سه‌ر بێت ) له‌ ژیانىدا كارى بانگه‌وازو ئه‌ركه‌كانى فه‌رمانرِه‌وایى وده‌سه‌ڵاتدارى پێكه‌وه‌ گرێدابوو ، له‌لایه‌كه‌وه رێنماییكه‌رو مژده‌ده‌رو ترسێنه‌ر و ئاگادار كه‌ره‌وه‌ بوو له‌هه‌مان كاتیشدا فه‌رمانرِه‌واو دادوه‌رو سه‌رۆكى سوپاش بوو ،وه‌ ئه‌وكارانه‌ش ئه‌نجامى ئه‌دان ته‌نها په‌یوه‌ندى به‌لایه‌نى رۆحى خه‌ڵكیه‌وه‌ نه‌بوو به‌ڵكو زۆربه‌یان په‌یوه‌ندیان به‌كاروبارى رۆژانه‌ى خه‌ڵكیه‌وه‌ هه‌بوو ، هه‌روه‌ها سه‌رچاوه‌و مه‌رجه‌عى موسڵمانانیش بوو له‌هه‌موو كێشه‌و كارێكدا ، هه‌روه‌ك په‌روه‌ردگار ده‌فه‌رموێت [فَلا وَرَبِّكَ لا یُۆْمِنُونَ حَتَّى یُحَكِّمُوكَ فِیمَا شَجَرَ بَیْنَهُمْ پُمَّ لا ێجِدُوا فِی انفُسِهِمْ حَرَجاً مِمَّا قَضیْتَ وَیُسَلِّمُوا تَسْلِیماً] (- نساء- 65) پێغه‌مبه‌ر ( درودى خواى له‌سه‌ر بێت ) وه‌ك سه‌ركرده‌و پێشه‌واى گه‌لێك  له‌لایه‌ك ووه‌ك رێنمایكه‌رو مژده‌ده‌ر له‌لایه‌كى تره‌وه‌ ئوممه‌ته‌كه‌ى به‌جێهێشت ، به‌واتاى ده‌ستگرتنیان به‌ ئاینى خواوه‌ ،

وه‌ به‌ماوه‌یه‌كى كه‌م پێش وه‌فاتى سوپاى رێكخست بۆ جه‌نگى رۆم به‌سه‌ركردایه‌تى ئوسامه‌ى كورِى زه‌ید ، وه‌فه‌رمانىدا كه‌ ئه‌بوبه‌كر ئیمامه‌تى نوێژ بۆ موسڵمانان بكات ( ره‌زاى خوایان لێ بێت ) ، كه‌ به‌راى زۆربه‌ى زانایان وه‌ك ئاماژه‌یه‌ك وابوو بۆ خه‌لافه‌تى ئه‌بوبه‌كر دواى خۆى .هه‌موو ئه‌مانه‌ش به‌راىزۆربه‌ى زانایان به‌ڵگه‌ى ئه‌وه‌ن كه‌ دامه‌زراندنى ده‌وڵه‌ت و ده‌سه‌ڵات ویاسا له‌ ناوه‌رِۆكى ئاینى ئیسلام و له‌ ئه‌ركه‌ بنچینه‌ییه‌كانیه‌تى ،

 وه‌ پێویسته‌ پێشه‌واو خه‌لیفه‌ هه‌بێت وه‌ك قورئان پێمان ده‌ڵێت و فه‌رموده‌كانى سه‌روه‌رمان محمد ( درودى خواى له‌سه‌ر بێت ) بۆمان رِوون ده‌كه‌نه‌وه‌ ، هه‌روه‌ك له‌ فه‌رموده‌یه‌كدا ده‌فه‌رموێت [ من مات ولیس فی عنقه بیعه‌ مات میته‌ جاهلیه‌ ] رواه مسلم .وه‌ خواى گه‌وره‌ش له‌ قورئان دا ده‌فه‌رموێت [إِنَّ اللَّهَ ێامُرُكُمْ ڕَنْ تُۆَدُّوا الامَانَاتِ إِڵى ا

هْلِهَا وَإِذا حَكَمْتُمْ بَیْنَ النَّاسِ انْ تَحْكُمُوا بِالْعَدْلِ إِنَّ اللَّهَ نِعِمَّا ێعِضكُمْ بِهِ إِنَّ اللَّهَ كَانَ سَمِیعاً بَێِیراً (58) ێا ڕَیُّهَا الَّژِینَ آمَنُوا اطیعُوا اللَّهَ وَاطیعُوا الرَّسُوڵ وَاوْلِی الامْرِ مِنْكُمْ فَإِنْ تَنَازَعْتُمْ فِی شَیْءٍ فَرُدُّوهُ إِڵى اللَّهِ وَالرَّسُولِ إِنْ كُنتُمْ تُۆْمِنُونَ بِاللَّهِ وَالْێوْمِ اڵاخِرِ ذلِكَ خَیْرٌ وَاحْسَنُ تَاوِیلاً (59) ] نساء .

 هه‌نديكه‌س وا گومان ده‌به‌ن كه‌ پێغه‌مبه‌ر ( درودى خواى له‌سه‌ر بێت ) پێش كۆچكردنى بۆ مه‌دینه‌ كارى سیاسى نه‌كردوووه‌ ، ئه‌مه‌ش هه‌ڵه‌و تێنه‌گه‌یشتنه‌ له‌و قۆناغه‌ ، چونكه‌ كارى سیاسى له‌وه‌ فراوانتره‌ ته‌نها له‌ چه‌مكى حوكم دا قه‌تیس بكرێت ،

 پێغه‌مبه‌ر ( درودى خواى له‌سه‌ر بێت ) له‌ یه‌كه‌م رۆژى بانگه‌وازیه‌وه‌ بانگى بۆ گۆرِانكارى له‌ بیروباوه‌رِو باوى خراپى ئه‌و سه‌رده‌مه‌ ده‌كرد بۆ بیروباوه‌رِى نوآ ، ئه‌مه‌ش له‌راستیدا كارێكى سیاسیه‌ به‌ پێى تێگه‌یشتنى ئه‌مرِۆ. هه‌روه‌ها له‌سه‌ره‌تاى كارىدا كۆمه‌ڵێكى نهێنى دروستكرد ودواتریش كۆمه‌ڵێكى ئاشكرا كه‌ كارى ده‌كرد بۆ گۆرِانى سیسته‌مى كۆمه‌ڵگاو باو ونه‌ریته‌ خراپه‌كان له‌م پێناوه‌شدا هه‌موو هۆكارێكى راگه‌یاندنى ئه‌و سه‌رده‌مه‌ى به‌كار ده‌هێنا له‌ په‌یوه‌ندیكردنى تاكه‌كه‌سى و وتارو سۆزى تایبه‌ت ، هه‌روه‌ها داواى پالپشتى و په‌نادانى بۆشوێنكه‌وتوانى له‌چه‌ندین كه‌س و لایه‌ن كرد ،

 وه‌ك چوونى بۆ تائیف و ناردنى هه‌ندێكیان بۆ حه‌به‌شه‌و به‌ستنى هه‌ردوو په‌یماننامه‌ى یه‌كه‌م ودووه‌مى عه‌قه‌به‌ . دواى كۆچكردنیشى بۆ مه‌دینه‌ زیاتر ده‌ستى دایه‌ كارى سیاسى چونكه‌ به‌ ته‌واوى ئازادبوو وده‌یتوانى به‌ویستى خۆى هه‌رچى بوێت ئه‌نجامى بدات ، وه‌چه‌ند كارێكى ئه‌نجام دا كه‌ به‌هه‌موو واتایه‌ك كارى سیاسین ، وه‌ك ناردنى زیاد له‌ دووسه‌د نامه‌و وه‌فدى دبلۆماسى ( به‌واتاى ئه‌مرِۆ ) بۆ سه‌رجه‌م هۆزو تیره‌و ده‌سه‌ڵاتدارانى ئه‌و سه‌رده‌مه‌ ،

 وه‌یه‌كێكیتر له‌و كارانه‌ى بریتیبوو له‌و به‌ڵێننامه‌یه‌ى كه‌به‌ ( ێحیفه‌ ) ناسراوه‌ بۆ رێكخستنى كاروبارى شارى مه‌دینه‌ له‌لایه‌ك له‌ نێوان موسڵمانانى كۆچكردوى مه‌ككه‌و پشتیوانانى مه‌دینه‌و له‌لایه‌كى تره‌وه‌ له‌نێوان موسڵمانان و جووله‌كه‌كانى مه‌دینه‌دا كه‌ له‌ چل وحه‌وت به‌ند پێكهاتبوو( كه‌ ئه‌مرِۆ به‌واتاى ده‌ستور دێت )، وه‌ئه‌گه‌ر ده‌وڵه‌ت به‌مانا فراوانه‌كه‌ى ئه‌مرۆ كه‌ فراوانترین تۆرِى ده‌سه‌ڵاته‌ كه‌مرۆڤایه‌تى پێى گه‌شتووه‌ ، ئه‌توانین بڵێن له‌ مه‌دینه‌دا ده‌وڵه‌تى ئیسلامى هه‌بوو كه‌ هه‌موو رِه‌گه‌زه‌ سه‌ره‌كیه‌كانى ده‌وڵه‌تى تێدابوو له‌ ( خاك و گه‌ل و سیسته‌م وده‌ستورو ده‌سه‌ڵات ) پێغه‌مبه‌ر ( درودى خواى له‌سه‌ر بێت ) توانى له‌ماوه‌ى بیست وسآ ساڵى ته‌مه‌نى پیرۆزىدا سه‌ركه‌وێت به‌سه‌ر هه‌موو به‌ربه‌سته‌كانى به‌رده‌مىدا وه‌ك بێباوه‌رِان و بتپه‌رستیان ونه‌ریته‌كانیان ،

 وه‌ئه‌و دوورِوانه‌ى پلانیان دائه‌نا بۆ په‌كخستن و گه‌مارۆدانى ئاینه‌كه‌ى , وه‌ئه‌و جوله‌كانه‌ى كه‌ جه‌نگیان دژى كرد به‌ پرِوپاگه‌نده‌و درۆو پیلانگێرِى وشمشێره‌كانیان

.وه‌توانى له‌و ماوه‌كه‌مه‌دا گه‌وره‌ترین كوده‌تا ئه‌نجام بدات له‌ فیكرو بیروباوه‌رِدا و له‌ بتپه‌رستیه‌وه‌ بیگۆرِێت بۆ یه‌كتاپه‌رستى وه‌ توانى ئه‌و كۆمه‌ڵگایه‌ رزگار بكات له‌چه‌ندین ره‌وشت و خوى ناشیرینى وه‌ك دووبه‌ره‌كى و خوێنرێژى خێڵه‌كى وداوێن پیسى وسه‌دان كارى ناشیرینى ترو له‌شوێنیاندا ره‌وشت به‌رزى وئاكارى جوان بچێنێت . ئه‌و سه‌ركه‌وتنه‌ى به‌ده‌ستى هێنا له‌و بیست وسآ ساڵه‌دا ، خه‌ڵكانى تر نه‌یان توانى به‌چه‌ندین سه‌ده‌ به‌ده‌ستى بهێنن ،

 له‌ قوتابخانه‌كه‌ى پێغه‌مبه‌ردا ( درودى خواى له‌سه‌ر بێت ) هه‌زاران كه‌ڵه‌پیاوى گه‌وره‌ هه‌ڵكه‌وتن كه‌دواتر توانیان گه‌وره‌ترین دوو ئیمپراتۆریه‌تى ئه‌و سه‌رده‌مه‌ برِوخێنن ، وه‌له‌ژێر ده‌ستى ئه‌و سه‌روه‌ره‌دا چاكترین ئوممه‌ت پێگه‌یشت ، هه‌موو ئه‌مانه‌ش له‌ ئه‌نجامى فه‌زڵى په‌روه‌ردگارو سیاسه‌تى ژیرانه‌ى ئه‌و خۆشه‌ویسته‌دابوو له‌گه‌لڕ دۆست ودوژمنانى دا.

درێژه‌ ي بابه‌ ت

حكم التصويت للدستور المصري

حكم التصويت للدستور المصري

التاريخ : 28/1/1434

الشيخ عبدالرحمن بن ناصر البراك

حكم التصويت للدستور المصري

الحمد لله وصلى الله وسلم على عبده ورسوله محمد وآله وصحبه، أما بعد:

فقد بلغني ما وقع من اختلاف بين إخواننا أهل السنة في مصر حول مسألة التصويت على «الدستور» الذي سيطرح للاستفتاء؛ واختلافهم في حكمه: تحريماً وجوازاً ووجوباً، ومعلوم أن لكل منهم استدلالات يؤيد بها ما ذهب إليه، وقد نظرت فيما وقفت عليه من استدلالاتهم فوجدتها كلها استدلالات قوية في تأييد مذهب المستدل، يحار الناظر فيها، ومنشأ النزاع:

1ـ ما في الدستور من المواد الكفرية التي لا يختلف إخواننا في بطلانها وتحريم وضعها اختياراً.

2ـ ما في الدستور من المواد الحسنة المقربة لتحكيم الشريعة، والتي من أجلها لا يرضى المعارضون لتحكيم الشريعة بهذا الدستور.

والذي ظهر لي بعد الوقوف على وجهات نظر إخواننا أهل السنة أن التصويت على هذا الدستور إن لم يكن واجباً فهو جائز، وليس في ذلك إقرار بالكفر ولا رضا به، فما هو إلا دفع شر الشرين واحتمال أخف الضررين.

وليس أمام المستفتَين من المسلمين إلا هذا أو ما هو أسوء منه، وليس من الحكمة عقلاً ولا شرعاً اعتزال الأمر بما يتيح الفرصة لأهل الباطل من الكفار والمنافقين من تحقيق مرادهم.

ولا ريب أن الطامحين والراغبين في تحكيم الشريعة ـ وهو مطلب كل مسلم يؤمن بالله ورسوله ـ مع اختلافهم في هذه النازلة؛ مجتهدون، فأمرهم دائر بين الأجر والأجرين، ولكن عليهم أن يجتهدوا في توحيد كلمتهم أمام العدو الذي لا يريد أن تقوم للإسلام في بلادهم قائمة.

ولا أجد كبير فرق بين التصويت في انتخاب الرئيس والتصويت لهذا الدستور؛ فإنه يعلم كل عاقل مدرك للواقع أن الرئيس المسلم المنتخب غير قادر على تحكيم الشريعة بقدر كبير، فضلاً عن تطبيقها بالقدر الذي يطمح إليه المخلصون الصالحون، لما يُعلم من قوة وتمكن رموز الفساد في البلاد، ولما يُعلم من حال المجتمع الدولي الذي تديره الأمم المتحدة بقيادة أمريكا.

فالرئيس المصري المنتخب -حفظه الله ووفقه- ليس له في المجتمع الدولي من يناصره، فناصروه على مقدوره من تحكيم الشريعة، وأمِرُّوا هذا الدستور الذي لا يقدر الرئيس أن يصنع في الوقت الحاضر أفضل منه.

وأنت تعلمون أن ترك التصويت للدستور مما يسر العدو في الداخل والخارج فكلهم يرتقبون ذلك منكم؛ فاتقوا الله وأصلحوا ذات بينكم.

ومعلوم أن أحداً منكم لا يقر ما في الدستور مما يناقض الشريعة ولا يرضاه، ولكن يُمِرُّه ضرورة؛ لدفع ما هو أسوء.

ولو خيِّر واحد منكم أن يحكم البلاد إما شيوعي وإما نصراني؛ فالشرع والعقل يقضي باختيار أخفهما شراً وعداوة للمسلمين.

ومن المعلوم أن ما يعجز عنه المكلف من الواجبات فهو في حكم ما ليس بواجب.

والمسلمون معكم بقلوبهم وجهودهم؛ فلا يكن اختلافكم سبباً في خيبة آمالهم، أسأل الله أن يلهمكم الرشد، وأن يألف بين قلوبكم.

وإذا قُدر أن يبقى الاختلاف بينكم؛ فيجب الحذر من تثبيط الناس من التصويت له، ومن البغي بالتكفير والتخوين والتجهيل؛ فليس الإثم باختلاف المجتهدين وإنما الإثم بالبغي، أعاذكم الله منه، وأصلح قلوبكم ونياتكم، وسدد رأيكم، ونصر بكم دينه.

وصلى الله وسلم على عبده ورسوله محمد وآله وصحبه.

أملاه: عبدالرحمن بن ناصر البراك في 28/1/1434 هـ
— كليك لێره‌ بكه ( اضغط هنا)

درێژه‌ ي بابه‌ ت