تیپه‌که‌ی کاسیاس به‌ 5 گۆڵ سه‌رکه‌وتنی به‌ده‌ستهینا

له‌ ئاوێزه‌ سپۆرت وه‌رگیراوه‌

له‌ یارییه‌کی دۆستانه‌ی خێرخوازیدا  که‌  ئیکه‌ر کاسیاس گۆڵچی یانه‌ی ریاڵ مه‌درید و هه‌ڵبژارده‌ی ئیسپانیا ڕیکی خستبوو  له‌ یارگایه‌کی تایبه‌ت به‌ یانه‌ی ریاڵ مه‌درید ئه‌نجامدرا.
له‌م یارییه‌دا سه‌رۆکی یانه‌ی ریاڵ مه‌درید فلورنتینۆ پێرێز  ئاماده‌ی یارییه‌که‌ بوو پشتگیری کردنی گۆڵجی یانه‌که‌ی، له‌م یارییه‌دا تیپه‌که‌ی کاسیاس که‌ به‌ درێسی سپییه‌وه‌ یاریان ده‌کرد سه‌رکه‌وتنیان به‌ده‌ست هینا به‌ ئه‌نجامی پێنچ گۆڵی به‌رامبه‌ر به‌ سێ گۆڵ.

به‌ وێنه‌ ببینه‌ 

درێژه‌ ي بابه‌ ت

ئەم ھەفتەیە رائول دەگەرێتەوە بۆ مەدرید

ئاوێزه‌ سپۆرت

رائول گۆنزالیس ی ئیسپانی و ئەستێرەو گۆلکاری پێشووی یانەی ریال مەدرید کەئیستا لەریزی یانەی  سەد  ی قەتەری یارى دەکات وولاتی قەتەر جێدەھیلێت و دەگەرێـەوە بۆ مەدریدی پایتەخت .



ئەمرۆ چەند سەرچاوەیەکی رۆژنامەوانی ئیسپانی بلاویانکردەوە کە رائول گۆنزالیس ی گۆلکاری بەتوانای پێشووی یانەی شاھانە کە ماوەیەکە دوور لە ووڵاتـی خۆی یاریەکانی ئەنجام ئەدات ، بریاری داوە بگەرێتەوە بۆ مەدریدی پایتەخت  و  ئەم ماوەی پشووی سەری سالی ٢٠١٣  لە مەدرید و لەناو کەسە نزیکەکانی بەسەر ببات .


رۆژنامەکان ئاماژەیان بەوە کردووە   گەرانەوەی رائول بۆ مەدرید بەمەبەستی بەسەر بردنی ئاھەنگەکانی تایبەت بە سەری سالە   نەک بۆ ریزی یانەی ریال مەدرید .

درێژه‌ ي بابه‌ ت

فیفا میسی بێ‌ هیوا دەكات و دان بەهیچ گۆلیكی هەردوویاریزانی زامبی و ئەرجەنتینی دانانێت

لەچەند رۆژی رابردوو بەشێوەیەكی بەردەوام باس لە بابەتێكی نوێ‌ كرا ، كەباسی لە گۆلكاری مێژووی دەكرد ، دوای ئەوەی میسی توانی ژمارەی گێرد مۆلەر بشكێنێت و لەیەك سالدا زۆرترین گۆل تۆمار بكات دوای (40)سال ، بەڵام دەزگا راگەیاندنەكانی جیهان ئاشكرایان كرد یاریزانی زامبی چیتالۆ تا ئێستا خاوەن زۆرترین گۆلە لەسالی (1972)توانیوەتی (107)گۆل تۆمار بكات ، لەلایەن خۆیەوە یەكێتی تۆپی پێ‌ جیهان (فیفا)یاریزانی ئەرجەنتینی بێ‌ هیوا كرد .

سەرچاوەیەك لە یەكێتی تۆپی پێ‌ جیهان ئاشكرای كرد ئەوان ناچنە نێو هیچ ركابەریەك سەبارەت بەتۆمار كردنی زۆرترین رێژەی گۆل كەسالانە تۆمار دەكرێت .
 لەم بارەیەوە ئەلێكس ستون وتەبێژی دەستەی دادوەری لەیەكێتی تۆپی پێ‌ جیهان شەوی رابردوو لە لێدوانێكی دا بۆ بی بی سی دەلێت : ئەو گۆلانەی میسی یاخود چیتالۆ تۆماریان كردووە لەلایەن ئێمەوە تۆمار ناكرێت ، وەبەشێوەیەكی فەرمی هیچ تۆمارێك لەلایەن فیفاوە  نیە .
ستون زیاتر دەلێت : تا ئێستا هیچ تۆمارێك لەلای ئێمە نیە هەروەك دەزگاكانی راگەیاندن بلاوی دەكەنەوە كەتایبەت بێت بەسەرژمێری گۆلەكان .
 لە كۆتایی دا ستون دەلێت : ئێمە خاوەن هیچ بنەمایەكی نوسراوەكان نین بۆئەوەی لەسەرجەم یاریەكانی خولەكانی ولاتان تۆمار بكات لەوكاتەی یەكێتی تۆپی پێ‌ جیهان درووست بوە تاوەكو ئێستا ، ئێمە تەنیا دان بەتۆمار كردنی ئەو گۆلانە دادەنێین كە پالەوانیەتیەكانی لەلایەن فیاوە ئەنجام دەدرێت .

 جێگەی ئاماژەیە میسی لەسالی (2012)تا ئێستا توانیوەتی (88)گۆل تۆمار بكات بەدرێسی بەرشلۆنەو هەلبژاردەی ئەرجەنتین .

درێژه‌ ي بابه‌ ت

ئەمریکا فڕۆکەی جەنگی جۆری ئێف شانزە بە مسڕ دەفرۆشێت

ئاژانسی یو پی ئای وڵاتی ئەڵمانیا لە هەواڵێکدا بڵاوی کردۆتەوە کە ویلایەتە یەکگرتووەکانی ئەمریکا بە نیازە ژمارەیەک فڕۆکەی جەنگی لە جۆری ئێف شانزە بە کۆماری مسڕ بفرۆشێت کە بەهاکەی بە یەک ملیار دۆلاری ئەمریکی خەمڵێندراوە.
ئەمەش لەکاتێکدایە کە حکومەتی مسڕ هەوڵ دەدات لایەنی ئاسمانی هێزی سەربازی سوپای وڵاتەکەی بەهێزتر بکات و ژمارەی فڕۆکە جەنگییەکانی زیاتر بکات لەکاتێکدا سوپای ئەو وڵاتە خاوەن چەندین فڕۆکەی جەنگییە.
 جگە لە ئاژانسی یو پی ئای وڵاتی ئەڵمانیا تۆڕی هەواڵی فۆکس نیوزی خودی ئەمریکاش رایگەیاندووە کە بەرپرسانی سەربازی کۆماری مسڕ گرێبەستێکی چەک کڕینیان لەگەڵ پێنتاگۆنی ئەمریکادا واژوو کردووە و بەپێی ئەو ڕێککەوتنە بڕیارە لەمانگی کانوونی دووەمی داهاتوودا چوار فڕۆکەی جەنگی جۆری ئێف شانزە ڕادەستی مسر بکرێت.

 تۆڕی هەواڵی فۆکس نیوزی ئەمریکی هەروەها ئاشکرای کردووە و دەڵێ، بەپێی گرێبەستی نوێی نێوان ویلایەتە یەکگرتووەکانی ئەمریکا و کۆماری مسڕ ئەمریکا بڕی بیست فڕۆکەی جەنگی جۆری ئێف شانزە بە مسڕ دەفرۆشێت و بەهاکەشی دەگاتە یەک ملیار دۆلاری ئەمریکی.

درێژه‌ ي بابه‌ ت