وته‌ی پیاوچاكان

عن عبد الله بن مسعود[رضي الله عنه] قال: [ ألا لا يقلدن أحدُكُم دينَهُ رجلاً إنْ آمَنَ آمَنَ، وإنْ كَفَرَ كفَرَ، فإنْ كُنتم لابدَّ مُقْتدينَ فبالميَّتِ، فإنَّ الحَيَّ لا يُؤمَنُ عليه الفِتنة](اللالكائي: (1/93 رقم 128)، ابن وضاح: (44).

واتە/ ئاگاداربن با كەسێك لە ئێوە لە دینەكەیدا لاسایی پیاوێك نەكاتەوە ئەگەر باوەڕی هێنا ئەمیش باوەڕ بێنێت، وە ئەگەر كوفری كرد ئەمیش كوفر بكات، وە ئەگەر هەر ناچار بوون شوێن كەسێك بكەون ئەوا شوێن مردوو بكەون، چونكە زیندوو دڵنیا نیت لەوەی كە توشی فیتنە ببێت.

درێژه‌ ي بابه‌ ت

نیشانه‌كانى قیامه‌ت‌

1- عَنْ عَبْدِ اللهِ بْنِ عُمَرَ(رضي الله عنه): فَإِنِّي سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ: (إِنَّ بَيْنَ يَدَيِ السَّاعَةِ ثَلَاثِينَ دَجَّالًا كَذَّابًا) أخرجه أحمد وهو حديث حسن.

واتة:((بةرِاستى لةبةردةم قيامةتدا – واتة نيشانةكانى قيامةت - سى درؤزن ثةيدا دةبن, هةموويان بانطةشةى ثيَغةمبةرايةتى دةكةن.
2- عَنْ أَبِي بَكْرٍ الصِّدِّيقِ(رضي الله عنه) قَالَ حَدَّثَنَا رَسُولُ اللَّهِ صَلَّى اللَّهُ عَلَيْهِ وَسَلَّمَ: ( أَنَّ الدَّجَّالَ يَخْرُجُ مِنْ أَرْضٍ بِالْمَشْرِقِ يُقَالُ لَهَا خُرَاسَانُ يَتْبَعُهُ أَقْوَامٌ كَأَنَّ وُجُوهَهُمْ الْمَجَانُّ الْمُطْرَقَةُ) أخرجه الترمذي وابن ماجة والحاكم وقال الحاكم ((صحيح الإسناد)) ووافقه الذهبي.
واته‌: ((به‌ڕاستى ده‌جال ده‌رده‌چێت له‌ زه‌وییه‌كه‌وه‌ له‌ خۆرهه‌لاته‌وه‌ پێى ده‌وترێت(خوراسان) كۆمه‌لێك شوێنى ده‌كه‌ون ده‌م چاویان وه‌كو قه‌ڵغانى پانه‌وه‌بوو وایه‌)).
3- عَنْ أَبِي سَعِيدٍ الْخُدْرِيِّ (رضي الله عنه) قَالَ: سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: (إِنَّ الْمَيِّتَ يُبْعَثُ فِي ثِيَابِهِ الَّتِي يَمُوتُ فِيهَا) أخرجه أبو داود وابن حبان والحاكم وعنه البيهقي وقال الحاكم (صحيح على شرط الشيخين)) ووافقه الذهبي.
واته‌:((به‌ڕاستى مردوو زیندو ده‌كرێته‌وه‌ له‌و پۆشاكه‌دا كه‌ تیایدا مردووه‌)).
4- عَنْ عَبْدِ اللَّهِ بْنِ عَمْرٍو(رضي الله عنه) قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: (الْآيَاتُ خَرَزَاتٌ مَنْظُومَاتٌ فِي سِلْكٍ فَإِنْ يُقْطَعْ السِّلْكُ يَتْبَعْ بَعْضُهَا بَعْضًا) أخرجه الحاكم وأحمد وله شاهد.
واته‌: ((نیشانه‌كانى قیامه‌ت وه‌ك چه‌ند میرویه‌كى ڕێك خراوو وان له‌ په‌تێكدا, ئه‌گه‌ر په‌ته‌كه‌ بپچڕێت ئه‌وا شوێنى یه‌كتر ده‌كه‌ون)).
5- عَنْ أَبِي أُمَامَةَ (رضي الله عنه)، قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: ( يَكُونُ فِيْ هَذِهِ الأُمَّةِ فِي آخِرِ الزَّمَانِ رِجَالٌ مَعَهُمْ سِيَاطٌ كَأَنَّهَا أذْنَابُ الْبَقَرِ يَغْدُونَ فِي سَخَطِ اللهِ وَيَرُوحُونَ فِيْ غَضَبِهِ) رواه احمد والحاكم وابن الأعرابي والطبراني وإسناده حسن.
واته‌: ((له‌ كۆتاى ئه‌م ئومه‌ته‌دا پیاوانێك ده‌رده‌چن –كه‌ مه‌به‌ست پێى شورته‌یه‌-قامچیان پێیه‌ وه‌كو كلكى مانگا وایه‌, به‌یانى كه‌ ده‌رده‌چن له‌ ژێر توڕه‌یى خوادان, وه‌ كه‌ ئێواران ده‌گه‌ڕێنه‌وه‌ له‌ ژێر توڕه‌یى خوادان)).  

---------------------------------------------------------

 م. يوسف رشيد           

درێژه‌ ي بابه‌ ت

وته‌ی پیاوچاكان :: حه‌سه‌نی به‌صری

لە (حسن)ی بەصریان پرسیاركرد وتیان بۆچی پێش ئەوەی قسە بكەیت تۆزێ‌ دەوەستیت؟ وتی: چونكە یەكەم جار قسەكە لە مێشكم وەزن دەكەم بزانم ئەخرێتە لای كام تەرازووم (خێر یان شەڕ) ئینجا قسەكە خێر بوو دەیكەم.  

درێژه‌ ي بابه‌ ت

طاغوت چیه‌؟ ، به‌كێ ئه‌وترێ طاغوت؟ چه‌ند جۆری هه‌یه‌؟

وه‌ڵام: تاغوت به‌ كه‌سێكی زۆردارو سته‌مكار دێت، كه‌ سنوره‌كانی حه‌ق ئه‌به‌زێنێت.

ئیمان له‌گه‌ڵ كوفر تێكه‌ڵ ئه‌كات و كوفرئه‌خاته‌ جێگه‌ی ئیمان، وه‌ تاغوته‌كان زۆرن وه‌ هه‌موو تاغوتێك كافرن به‌بێ گومان!

یه‌كه‌م: ئیبلیس - له‌عنه‌تی خوای لێبێت - ئه‌و سه‌ركرده‌ی تاغووته‌كانه‌، ئه‌و خه‌ڵكی بانگ ئه‌كات بۆ گومرایی و كوفر. 

  

 دووه‌م: هه‌ركه‌سێك كه‌ به‌ندایه‌تی شتێك یان كه‌سێك بكات جگه‌ له‌خودا، به‌ڵام ئه‌گه‌ر كه‌سه‌كه‌ به‌و به‌ندایه‌تیه‌ رازی نه‌بوو ئه‌وناگرێته‌وه‌، یاخوود گوێرایه‌ڵی كه‌سێك یان شتێك بكات له‌چاك و خراپدا.‏

سێیه‌م: هه‌ركه‌س بانگه‌شه‌ی غه‌یبزانی بكات، ‏{‏قُل لا يَعْلَمُ مَن فِي السَّمَاوَاتِ وَالأَرْضِ الْغَيْبَ إِلا اللَّهُ‏}‏ ‏[‏سورة النمل‏:‏ آية 65‏]‏

  

چواره‌م: هه‌ركه‌س بانگه‌شه‌ی ئه‌وه‌ بكات كه‌ بیپه‌رست و به‌ندایه‌تی بكه‌ن.

پێنجه‌م: هه‌ركه‌س حوكم بكات به‌ غه‌یری ئه‌و به‌رنامه‌ راسته‌ی كه‌ خودا ناردوویه‌تی، وه‌ بڵێ ئه‌و یاسا و حوكمه‌ی من دامناوه‌ له‌وه‌ی خودا باشتره‌ یان وه‌ك ئه‌وه‌ وایه‌و یه‌كسانن به‌یه‌ك، وه‌ هانی خه‌ڵك بكات حوكمی خوا فه‌رامۆش بكه‌ن و بۆخۆیان حوكمی نوێ دابنێن!

ئائه‌مانه‌ سه‌رۆكی تاغووته‌كانن وه‌ كافرن به‌و دینه‌ی كه‌ خودا به‌ موحه‌مه‌دا ناردوویه‌تی لی الله علیه‌ وسلم. 

------------------------------------------------------

 ابن القیم الجوزی رحمه‌ الله

 وه‌رگێرانی به‌ده‌ستكارییه‌وه‌

محمد كاكه‌برا - 16/5/2014

درێژه‌ ي بابه‌ ت

کێ وەلی ئەمری موسڵمانانە؟

وەلی ئەمری موسڵمانان پایەو مەقامێکی بە رزو بڵندە،ناوو ناوەڕۆک و ئاست و پلەیەکە خودا و پێغەمبەرەکەی دەس نیشان و دیاریان کردوە،کێیەو بەکێ دەگوترێ و مەرجەکانی چین،کاڵایەکی هەرزان بەها نیە،بتوانرێ وەک بەرتیلێک بەناڕەوا،بەغەیری ئەهلی خۆی بدرێ و بگوترێ!ناوو زاراوەیەکی ئیسلامیە بەفەرمان ڕەوایەک دەگوترێ باوەڕی بەخودا هەبێ و شەریعەتەکەی پیادەبکا،نەلەبرسا بەخەڵک دەبەخشرێ!نەلەترسا بەکەس دەگوترێ!!!نەپۆشاکێکی ئامادەشە هەرکەس هەستێ بەویستی خۆی و بەناوی دینەوە بەبەر هەموو زاڵم و ستەمکارێکیدا بکات!بەبێ ڕەچاوکردنی ئەوەی فەرمان ڕەواکە هەڵگری چ دین و

بیروباوەڕێکەو،چ سیستەم و یاساو بەرنامەیەک لەوڵاتەکەی پیادە دەکات!!ئەم باس و بابەتە،ئەمانەتێکی گەورەو باسێکی هەستیارە!!پێناسەو مەرجی تایبەتی خۆی هەیە،زانایان بەوردی باسیان کردوە،لێرەدا تەنها باس لەدوو لەو مەرجانە دەکەین،کەدوو پایەو کۆڵەکەی بابەتەکەن،دەقی قورئان و سونەتیان لەسەرە،وەکو خۆر ئاشکراو دیارن!مەرجی یەکەمیان:دەبێ وەلی ئەمری موسڵمانان: موسڵمان بێ،خودای گەورە دەفەرمێ:(( يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنْكُمْ فَإِنْ تَنَازَعْتُمْ فِي شَيْءٍ فَرُدُّوهُ إلَى اللَّهِ وَالرَّسُولِ إنْ كُنْتُمْ تُؤْمِنُونَ بِاَللَّهِ وَالْيَوْمِ الْآخِرِ))،ئەی ئەوانەی باوەڕتان هێناوە:گوێڕایەڵی فەرمانی خوداو پێغەمبەرو ئولی ئەمرەکەتان بن کەلەخۆتانە(منکم)،واتە موسڵمان و ئیماندارە ،ابن المنژر یش کۆڕا(ئیجماع)ی زانایانی لەوبارەیەوە هێناوە،کەئەمە دەقەکەیەتی:((أجمع كل من يحفظ عنه من أهل العلم أن الكافر لا ولاية له على مسلم بحال))))

پاشان ئایەتەکە بە:((يَا أَيُّهَا الَّذِينَ آمَنُوا)دەستی پێ کردوە،بەڵگەیە لەسەرئەوەی قسەکان تایبەتە بەئیمانداران،(ختابەکە)ئاراستەی باوەڕداران کراوە،بەحاکم و مەحکومەوە،غەیرە موسڵمان ناگرێتەوە،دواتر خودای پەروەردگار داوادەکات،ئەگەر کێشەو ناکۆکیەک کەوتە نێوانتان(فَرُدُّوهُ إلَى اللَّهِ وَالرَّسُولِ) بیگەڕێنەوە بۆ لای خوداو پێغەمبەرەکەی،((إنْ كُنْتُمْ تُؤْمِنُونَ بِاَللَّهِ وَالْيَوْمِ الْآخِرِ))ئەگەر باوەڕتان بەخوداو ڕۆژی دوای هەیە،ئیمانەکەشمانی پەیوەست کردوە بەگەڕانەوەو نەگەڕانەوەی کێشەکانمان بۆ لای خوداو حوکم کردنمان بەشەریعەتەکەی،ئاشکراشە غەیرە موسڵمان ئامادەنیە کێشەو ناکۆکیەکانی بەشەرعی خودا یەکلای کاتەوە،کەواتە دەبێ حاکم و فەرمان ڕەوای موسڵمان،موسڵمان بێ و مل کەچی شەرع بێ،شەرع سەروەری بێ،نەک هیچ دەستورو یاسای تر.

مەرجی دووەم :دەبێ وەلی ئەمری موسڵمانان کار بەشەریعەتی خودا(قورئان و دەستورەکەی)بکات،وەک لەفەرمودەی ام الحێین لەڕیواتی موسلم پێغەمبەری خودا بەڕونی فەرمویەتی و قەیدو مەرجیشی بۆ ڕەهایەتی فەرمودەکانی تر بەم فەرمودەیە دیاری کردوە کەدەفەرمێت((ااسْمَعُوا وَأَطِيعُوا وَإِنْ أُمِّرَ عَلَيْكُمْ عَبْدٌ حَبَشِيٌّ مَا أَقَامَ فِيكُمْ كِتَابَ اللهِ عَزَّ وَجَلَّ))،واتە گوێ بگرن و گوێڕایەڵ بن ئەگەر بەندەیەکی حەبەشیش کرابەفەرمان ڕەواتان هەتا ئەوکاتە بەقورئان حوکمتان دەکات،لەڕیوایەتێکی تریشدا،((اسمعوا وأطيعوا ولو استعمل عليكم عبد يقودكم بكتاب الله))،))،واتە هەتا:...یقودکم بکتاب الله ...بەقورئان قیادەتان بکات(مامەڵەتان لەگەڵ بکات)،بەپێچەوانەشەوە ئەگەر حاکم و سەرۆک و کاربەدەست موسڵمانیش بێ،هەموو قورئانیشی لەبەر بێ،هەر پێی ناگوترێت وەلی ئەمری موسڵمانان،هەتا بەکتابی خودا (سەرکردایەتی)وفەرمان ڕەوایەتی نەکات،کەواتە بەبەڵگەی قورئان و سونەت و ئیجماعی زانایان ئەو حاکم و فەرمان ڕەوا زالم و ستەمکارانەی جیهانی ئیسلامی ئێستا کەدەستوری خودایان بەلاناوەو گۆڕیوە(بەسیستەم و بەرنامەی تر) کاردەکەن،زۆربەی زۆریشان ئیسلامیان وەک بەرنامەی ژیان قبوڵ نیەو پێیان وایە بۆ ئەم سەردەمە ناشێ!!نمونەی موبارک و قەزافی دوێنێ و سیسی و بەشاری بەعسی خوێن ڕێژی ئەمڕۆ،کەبەرنامەی لیبریاڵی و بەعسی و شۆسیالستی و
دیمکراسی و ...هتد پەیڕەو دەکەن وەلی ئەمری موسڵمانان نین!ناشەرعی و ناڕەواو لادانیشە لەڕێبازی پێغەمبەرو هاوەڵان و پێشینی چاکی ئەم ئومەتە،ئەو ناوە پیرۆزەیان لێ بنرێ و،عەیب و عارو جەریمەو تاوانەکانیان لەسەر ئیسلام و موسڵمانان حساب بکرێ!!!

نوسيني دڵشاد گەرمياني

-----------------------------

ئەوەش شيخ عثيمين لەسەر مەسئەلەى خروج
http://www.youtube.com/watch?v=3xFgxNi2RdA&feature=share

درێژه‌ ي بابه‌ ت

گفتوگۆیه‌كی دكتۆر موسه‌نا له‌گه‌ڵ شێخێكی كوه‌یتی

 دكتۆر موسه‌نا وتی چوم بۆ كوه‌یت له‌وێ كابرایه‌كی سه‌له‌فی(مه‌دخه‌لی)ـم بینی وتی دكتۆر واز له‌ سیاسه‌ت و حزب بێنه‌ چی سودێكی هه‌یه‌ بۆ قیامه‌ت؟ وه‌ره‌ له‌بری ئه‌وه‌ وه‌كو ئێمه‌ بانگه‌واز بكه‌و ده‌عوه‌ی خۆت بكه‌و حه‌قت به‌سه‌ر هیچه‌وه‌ نه‌بێت!

منیش وتم: یا شێخ ئێستا له‌ كوه‌یت ده‌نگ وباسی چی هه‌یه‌؟
وتی هه‌رای ئه‌وه‌یه‌ كه‌وا كچ وكور له‌ خوێندن چۆن جیابكرێنه‌وه‌و له‌و تێكه‌ڵییه‌ رزگاری بێت.

وتم: خۆت ئه‌زانی رۆژنامه‌و گۆڤار و كه‌ناڵه‌كان و رۆژنامه‌نوسان و په‌رله‌مان باس باسی ئه‌وه‌یه‌ ... وتی به‌ڵێ ... وتم ده‌ی گریمان تاكو هه‌فته‌یه‌ك ئه‌مه‌ وا رۆیشت سه‌ره‌نجام چی ئه‌بێت؟

وتی بریاری له‌سه‌ر ئه‌درێت

دكتۆر موسه‌نا ئه‌مین

وتم له‌كوێ ؟
وتی له‌په‌رله‌مان
وتم ئه‌ی ئه‌وانه‌ی له‌په‌رله‌مانن چی ئه‌كه‌ن؟ سیاسه‌ت ناكه‌ن؟

وتی به‌ڵێ بێگومان!
وتم: ده‌ی باشه‌ ئه‌گه‌ر گریمان بریاره‌كه‌ واده‌رچوو كه‌وا تێكه‌ڵ بكرێن و ئیتر كه‌س قسه‌ی لێ نه‌كات ئه‌وكات چی ئه‌بێ؟ من و تۆ هه‌تا ئێواره‌ له‌سه‌ر مینبه‌ر هاواربكه‌ین حه‌رامه‌ هیچ له‌مه‌سه‌له‌كه‌ ئه‌گۆرێت؟ هیچمان پێ ئه‌كرێت؟ سودی هه‌یه‌؟

وتی: ناوه‌ڵا ...
وتم ده‌ی كه‌واته‌ په‌رله‌مانتارێك ئیشه‌كه‌ی وه‌كو ئه‌وه‌ی تۆ پیرۆزه‌ ئه‌گه‌ر ده‌نگ به‌ بریاری باش وشه‌رعی بدات ... ئایا پێت خۆش نیه‌ زۆرینه‌ی په‌رله‌مان ئه‌ندامانی عه‌لمانی نه‌بونایه‌و زۆرینه‌ ئه‌ندامی حزبه‌ ئیسلامیه‌كان بونایه‌؟

وتی به‌ڵێ !!!
وتم كه‌واته‌ بۆیه‌ سیاسه‌ت پێویسته‌ بكرێت و حزبیش بۆیه‌ پێویسته‌ تاكو بتوانین چۆن و به‌چی رێگه‌یه‌ك دینی خوا بڵاو بكه‌ینه‌وه‌ !!

درێژه‌ ي بابه‌ ت

بۆچی ئیخوان چه‌ك هه‌ڵناگرێت له‌ئێستادا ؟

دوای ئەوەی اخوان توانی لەرێی هەڵبژاردنەوەو بەدەنگی جەماوەرەكەی سەركەوتن ی گەورەو دەسەڵات بەدەست بهێنێت زۆری 

پێ‌ نەچوو روو بەرووی سەدان و هەزاران پیلانی نەیارانی بووەوە بەوەی شكستی پێ‌ بهێنن, لەدوای هەولێَكی زۆر نەتوانرا بەڵام لەدواهەمین پلانیاندا و بەیارمەتی وڵاتانی دەرەوە وەكو امریكا و اسرائیل سعوودیە و امارات توانرا سەركەوتنەكە لە مورسی بسەننەوەو سوپا رازی بكەن بەوەی كودەتای بەسەردا بكات!

 ئەوەی جێگەی سەرسورمان بوو ئەوەبوو حزبی نوری سەلەفی پشتی كردە ئیخوان كەوا لەسەرەتاوە لەگەڵی بوو ... جگە لەوە شێخی ئەزهەریش پشتی اخوانی بەرداو توانییان شانبەشانی قەشەی كەنیسەكان و نوری بەناو سەلەفی و وڵاتانی زلهێزی وەكو امریكاو اسرائیل و سعوودیەو ئیمارات خەنجەر لەپشتی ئیخوان و مورسی بدەن !! ئاخر لەكوێ‌ی دونیادا بووە موسوڵمان هاوكاری نەصرانی بكات بەوەی پشتی موسوڵمانان لەئەرز بدات !؟

ئایا دەستت ئەكەوێت نەصرانی رازی بكەیت بەوەی لەدژی نەصرانییەكان بەكاریان بهێنیت و كوشتار لەناویاندا بكەیت وەكو شێخی ئەزهەر و نوری بەناو سەلەفی لەدژی موسوڵمانان پشتی قەشەیان گرت و پشتیان كردە موسوڵمانان!؟
ئەوەبوو لەدوای یەك ساڵەی دەسەڵاتی مورسی دەسەڵات كەوتە ژێر دەستی سوپا و انقلابچییەكانەوەو زیاتر لە 90 موسوڵمان شەهید كران و زیاتر لە 1000 بریندار كران و له‌ نوێترین هه‌واڵیشدا به‌پێی په‌یجی تایبه‌تی حزبی حورییه‌و عه‌داله‌ ئه‌مشه‌و زیاتر له‌ 300 بریندارو دوو شه‌هید هه‌ن.

ئەوەی لە ئێستادا روو ئەدات خۆپشاندانی ملیۆنی و نارەزاییەكی زۆری میسرە كە رۆژ لەدوای رۆژ لەبرەودایەو شەقامەكان پڕبوونە لە جەماوەری مورسی نەك هەر ئیخوان بەڵكو حزبی ئیسلامی دیكەش هاوخەم و هاو هەڵوێستە وەكو برایانی سەلەفی جیهادی.

هەر بۆیە ئەمە موسوڵمانانی تورە كردووەو هەندێك كەس ئەڵێن بۆچی ئیخوان كە 4,000,000 ملیۆنی لەگەڵدایە دەست ناداتە چەك و روو بەرووی سوپا نابێتەوە!؟
لەراستیدا ئەبێ‌ ئێمە هەموو عاقڵانەو ژیرانەبێت دووربێت لە عەتف و سۆز ... چونكە هەرككارێك عاقڵانە نەكرا پەشیمانی بەدواوەیە.


ئەبێ‌ ئەوە بزانین كە چه‌ك نابێت به‌ده‌ست حیزبه‌وه‌بێت به‌ڵكو ئه‌بێت حكومه‌ت یان ده‌وڵه‌ت مامه‌ڵه‌ی پێوه‌ بكات ئه‌ویش به‌ شه‌رع و قانون و بریاری ژیرانه‌ی به‌رێوه‌به‌رانی وڵات.

ئه‌گه‌ر ئیخوان چه‌كی به‌كار هێنابا ئێستا گه‌وره‌ترین كوشتارگه‌ له‌ مصر رووی ئه‌دا ..!! چونكه‌ ئه‌بوو به‌ بیانوو بۆ سوپا كه‌وا به‌ ئاره‌زووی خۆی ئیسلامیه‌كان قه‌گڵ وعام بكات... به‌ڵام ئێستا هیچ بیانویه‌كی نیه‌ بۆ ئه‌وكاره‌ی ، ئه‌وه‌تا ئه‌وه‌ی كردی له‌به‌رده‌م گاردی كۆماری وڵاتانی جیهانی هێنایه‌ ده‌نگ به‌وه‌ی ئه‌وه‌ كارێكی ناره‌وایه‌و ئه‌و كوده‌تایه‌ ناشه‌رعییه‌و ئه‌بێت مورسی ئازاد بكرێت.


سه‌ره‌رای ئه‌وه‌ش ئه‌وه‌ی ئیخوان باوه‌ری پێ نه‌بێت شه‌ری كۆڵان به‌كۆڵان و شه‌ره‌ حزب و كوشتن و برینه‌ ... له‌وه‌دا هیچ خێرێكی تیا نیه‌، نمونه‌شمان زۆره‌ ئه‌وه‌تا وه‌زعی موسوڵمانانی سوریا ببینین به‌سمانه‌ بۆ ئه‌وه‌ی بگه‌ین به‌و قه‌ناعه‌ته‌ !! دوو ساڵه‌ شه‌ره‌و تائێستاش یه‌كلایی نه‌بوه‌ته‌وه‌، هه‌ربه‌راستی تامی تیا نه‌مــا ئه‌وه‌نده‌ به‌چكه‌ی فه‌قیر له‌منداڵ و ژن كوژران و بازاره‌كان داخران و گرانیه‌ك وڵاتی داپۆشیوه‌و رۆژانه‌ له‌برسا موسوڵمانان ئه‌مرن !! من له‌و قه‌ناعه‌ته‌یام سوریا نایاته‌وه‌ دۆخی ئاسایی خۆی مه‌گه‌ر زۆر به‌زه‌حمه‌ت.

ئه‌گه‌ر به‌ویژدانه‌وه‌ باسی كوردستانیش بكه‌ین به‌راستی ئه‌وه‌ ئاشكرایه‌ كه‌وا سه‌رجه‌می حزبه‌كان له‌هه‌ڵگرتنی چه‌ك سوودمه‌د نه‌بوون !! به‌ ئیسلامی و عه‌لمانیشه‌وه‌، وه‌ له‌و باوه‌ره‌دام سه‌رجه‌میان په‌شیمانن ئه‌گه‌ر ئه‌مرۆ په‌شیمان نه‌بن رۆژێك هه‌ردێت په‌شیمان بن.


ئیخوانیەكان هیچ كات له‌گه‌ڵ ئه‌وه‌ نه‌بوونه‌ كاولكاری بكه‌ن وه‌كو چۆن عه‌لمانیه‌كان له‌كاتی له‌ده‌ستدانی ده‌سه‌ڵات ئه‌یكه‌ن !! وه‌كو كرا، ... چونكه‌ ئه‌گه‌ر بریار وابێت ئیسلامیه‌كان ئاشته‌واییان بوێت و نیه‌تی خزمه‌ت و ئاوه‌دانكردنه‌وه‌یان هه‌بێت ئه‌وه‌ نابێت كارێكی له‌و جۆره‌ بكه‌ن ئه‌گه‌رچی بۆ تۆڵه‌ سه‌ندنه‌وه‌ش بێت صه‌بر گرتن باشتره‌.

ئەوەی ئاشكرایە ئەوەیە ئیخوان ئامانجی سەرەكی گرتنە دەسەڵات نیە بەڵكو خزمەت كردن و ئاوەدانكردنەوەو فەراهەمهێنانی ژیانێكی خۆش بۆ هاوڵاتیان و دابینكردنی ئازادی و دادپەروەری و بەختەوەری ئەگەرچی وڵات فرە بۆچون فرە دین و فرە حزبیش بێت.

هاورێیەكم بۆی گێرامەوە كە لەساڵی 1994 لەهەولێر لەگەڵ بەرپرسێكی ئیخوانی میسر دانیشتبووم باسی ئه‌وه‌ی بۆ كردم كه‌ ئه‌وان واتا ئیخوان ده‌توانێت زۆر به‌ ئاسانی ده‌سه‌ڵات وه‌ربگرێت به‌ڵام بۆیه‌ ئه‌وان چاویان له‌ ده‌سه‌ڵات نییه چونكه‌ ده‌زانن ده‌بێت گه‌لی میسری قوربانییه‌كه‌ بداته‌وه‌و به‌ كێشه‌ی ئابووری تۆله‌ له‌و میلله‌ته‌ ده‌كه‌نه‌وه‌ !!
هەروەها وتی من له‌گه‌ڵ به‌ڕێزێكی رۆژنامه‌ی الحریه‌ و العداله ئه‌و شته‌م باسكرد وتی وامانزانی دونیا گۆراوه به‌ڵام وادیاره‌ دونیا هه‌ر هه‌مان دونیایه‌ هێشتا ماوه!
هه‌ر دوێنێش ئه‌وه‌ی رۆژنامه‌ی الحریه‌ و العداله‌ وتی : عه‌لمانیه‌كان وه‌خته‌ شێت بن چونكه‌ ئێمه‌ ده‌ست بۆ توندوتیژی نابه‌ین!

دەرەنجام گەیشتینە ئەوەی كەوا ناكرێت چەك بێتە نێو كایەی سیاسەتی نێو خۆیی وڵاتئەگەرچی هەندێ كات وابەمێشكی هەندێكدادێت... لەگەڵ هەموو ئەمانەشدا ئەبێ‌ ئەوە بزانین كەوا سوپای میسر هیچ بیانویەكی بەدەستەوەنیە بۆ كوشتنی هاوڵاتیان و خۆپشاندەران.. وە ناتوانێت تۆمەتی خراپیان ئاراستە بكات, بەنمونە ناتوانێت بڵێت ئەمانە توندوتیژی ئەكەن بۆیە پێویستە بەتوندوتیژی بەرەو روویان بینەوە, یاخود ناتوانن بڵێن ئەمان كاولكاری ئەكەن بۆیە مامەڵەی ئیراهبیان لەگەڵ ئەكرێت .. هتد.

وە پێم سەیرە هەندێك دێن و ئەڵێن بۆچی ئیخوان ئیعلانی جیهاد ناكات !!؟؟
جارێ‌ نازانین ئەوكەسانە هیچ خیبرەیەكیان بە جیهاد و چۆنیەتی و مەرجەكانی هەیە !؟ یان لەخۆرا قسە ئەكەن و دڵگەرمییان وایانی لێكردووە بیر لە شتێكی وەها بكەنەوە كە هیچ مەرجێكی ئیعلانی جیهادی نیە!
پێویستە هەندێ‌ك شت هەیە بیزانن, میسر وڵاتێكی موسوڵمانە و ئیسلامیە... ئەو هێز و سوپایە لەهەموو پێكهاتەو بیرو بۆچوونەكانی تێدایە بە ئیخوانەكانیشەوە چونكە لەوێ‌ بون بە سەرباز بە موالیدە نەك ئیختیاری و بوونی ئینتیما !! دەی تۆ ئامادەی موسوڵمان بكوژیت؟
وەكو لای خۆمان... هەرچەندە ئەوەی لای خۆشمان جێگەی تێرامانە چونكە 95% ی ئەو خەڵكە لەبەر بژێوی بوە بە پێشمەرگە و پۆلیس !! نەك لەبەر خاتری پەرۆی زەرد و سەوز !! ئەمەش وای كردووە قورئانخوێن و نوێژكار و كەسانی زۆر بەرێز بەدی ئەكرێت تیایاندا هێشتا هی ئەوەنیە جیهادی بەرامبەر بكەیت!! چونكە جیهاد بەرامبەر بە كافرو مونافق ئەكرێت نەك موسوڵمانی لاوازو كەم دەرامەت و بەش مەینەتی وڵات!!
قال تعالی یا أیها النبی جاهد الكفار والمنافقین واغلڤ علیهم ومأواهم جهنم وبئس المصیر.


ئەی پێغەمبەر (صلی الله علیە وسلم) تێبكۆشە بەرامبەر بە بێباوەران و دوو رووەكان وبیان بوغزێنن و خۆشتان نەوێن, ئائەوانە تورەیی خوایان بەسەرەوەیە و دەرەنجام جیًگەیان دۆزەخە, كە بەراستی خراپترین و ناخۆشترین شوێنە بۆیان.
خولاسە ئەبێ‌ ئەوەندە فكرمان هەبێت كەوا مەرجێك بۆ ئیعلانی جیهاد ئەوەیە كە سوپا رێگری لە بڵاوبوونەوەی دینی خودا بكات!! دەی كوا شتی وەها لەئارادا هەیە ..؟ نەخێر ئەمە گرفتێكی نیو خۆیی وڵاتێكەو تەنها بەگفتوگۆ چارە ئەكرێت ئەگەر بەوەش چارەنەكرا ئەوا گردبوونەوەی نارەزایی ئەكرێت و فشار لەسەر دەسەڵاتی قۆرخكار و سوپای انقلابچی درووست ئەكرێت تاكو ملكەچ ئەبێت .. وەكو چۆن پێشتر حسنی مبارك ملكەچ بوو ... ئایا ئەوەش بە جیهاد و چەك بوو ؟؟
ـــــــــــــــــــــــــــــــــــــــــــــــــــــ
محمدكاكه‌برا ... 16-7-2013

درێژه‌ ي بابه‌ ت