ئیسلام كۆمه‌ڵگه‌ییه‌كى ته‌واو ئیسلامى ده‌وێ كه هه‌موو كاروباریان بده‌نه ده‌ست ئیسلام تا كه‌س هه‌ست به كه‌مى نه‌كات.. له هه‌ر كاروبارێكى ژیاندا بێت. ئه‌گه‌ر هه‌موومان پێكه‌وه‌و ده‌ست له ناو ده‌ستى یه‌ك وه‌ك برا سه‌ر له نوێ و به‌شێوه‌ییه‌كى رێك و پێك و جوان ئه‌و مه‌سه‌له‌ییه بكرێته‌وه بناغه‌ى بانكگردنى خه‌ڵكى بۆ ئیسلام، وه‌ك له یه‌كه‌مجاردا بناغه‌ى بانگه‌وازى ئیسلامى بوو.. كوفرو، ناعه‌داله‌تى و عه‌لمانیه‌تى دروست بووى ئه‌م دوایه‌ى به ده‌ست كافرو جوله‌كه دروست بوو هیچ كات نه‌یانتوانیوه شان له شانى ئیسلام بده‌ن سه‌ره‌ڕاى ئه‌وه‌ى هه‌موو یه‌كیان گرتووه بۆ روخاندنى ئیسلام كه هیچ كات ناتوانن.
كوفر گه‌ر بیتوانیایه یه‌كه‌مجار ده‌یتوانى، به‌ڵام له‌به‌ر ئه‌وه‌ى ئیسلام ریساو بنامه‌ییه‌كى پته‌وى نه‌گۆڕى هه‌یه‌و هێزى خواى گه‌وره‌ى له پشته له هه‌موو كات و ساتێك ده‌توانرێ پشتى پێ ببسترێ بۆ چاره‌سه‌ر كردنى كێشه دروست بووه‌كانى سه‌رده‌م..
هه‌ر له‌گه‌ڵ دژ وه‌ستانى كوفرو ناعه‌داله‌تى و خراپه‌كارى كۆمه‌ڵێكیان له ئیسلام قیت بوونه‌ته‌وه تا وه‌كوو ئه‌و به‌رژه‌وه‌ندییه خوازراوانه‌ى كه خۆیان ده‌یانه‌وێ بهێننه دی له‌گه‌ڵ ئه‌و هه‌موو كوشتن و بڕینه‌ى كه به درێژاى مێژوو به تایبه‌ت كه ئیسلام هێزى گرته ده‌ست و خۆى بووه خاوه‌ن هه‌موو شتێك له وڵاتدا(كاروبارى فه‌رمانڕه‌واى، هێزى سه‌ربازى، ئابوورى، پیشه‌سازى...) رووى له مووسڵمانان كردووه‌و ئه‌مه‌ش له‌به‌ر ئه‌وه‌ى كه‌سانى غه‌یرى ئیسلام چاویان به ئیسلام هه‌ڵنایه‌ت له‌و پێشكه‌وتنه نه‌بڕاوه‌ى تا ئه‌و كاته‌ى نه‌وه‌ى مووسڵمان ئاگاى له ئیسلام نه‌ماو هه‌موو تیرێكى ژه‌هراوى غه‌یرى ئه‌خلاقى و بێ ویژدانى، نا ئینسانى نرا به مێشكى هه‌مووى لاوه‌كان تا ئاگایان له‌و واقعه جوان و پاك و بیگه‌رده نه‌مێنێ كه فیتڕه‌تى خۆیان له گه‌ڵى ده‌گونجێ و بۆته حه‌سانه‌وه‌ى كۆمه‌ڵگه‌و پێشكه‌وتنیان.... ئه‌مه‌ش كاتێك هه‌موو دوژمنانى ئیسلام له ناو خۆیان كێشه‌ى ناعه‌داله‌تى و خراپه‌كارى و كوشتن و بڕین وڵاتیانى گرتبووه یه‌كیان ده‌خوارد گازیان له یه‌كتر ده‌گرت به‌ڵام هه‌موویان هه‌موو كات هه‌ر له سه‌ره‌تاى دژایه‌تى كردنیان بۆ ئیسلام ده‌بوونه ده‌ستێك و هه‌موو جۆره چه‌كێكیان تیادا تاقیده‌كردنه‌وه و قه‌ڵاچۆیان ده‌كردن. به‌وه‌ى كه نه‌یانتوانى به چه‌ك و ته‌قه‌مه‌نى دژى راوه‌ستن.. هه‌ستان به چه‌كێك كه ناوئاخنى ئینسانى پێوه به‌نده له ژیانى رۆژانه كه به بێ بیركردنه‌و هیچ كاتێك هیچ كه‌سێك ناتوانێ به بێ بیركردنه‌وه بژى هه‌رچه‌نده له‌وانه بۆ ماوه‌ییه‌ك به بێ ئاو خۆراك بژى به‌ڵام به بێ بیركردنه‌وه مه‌حاڵه! جه‌نگى هزرى چه‌كێكى كوشه‌نده‌یه كه له‌و چه‌كه‌ى كه بۆ (هێرۆشیما) به‌كار هات پیستره كه ناو مێشكى ئینسان بۆگه‌ن ده‌كات و وا ده‌كات ئینسان ئاگاى له ژیانى خۆى نه‌مێنێ... (ڤون جرونیباوم) دا ده‌ڵێت: رۆژهه‌ڵاتناسى نه‌مساویی هاوچه‌رخ له كتێبی(الاسلام) مووسڵمان شانازى به ئاینه‌كه‌ى كۆسپێكى گه‌وره‌یه له پێش پرۆسه‌ى به رۆژئاواى كردن!! یان ئینگلیزه‌كان كاتێ میسریان داگیر كرد كه ساڵى(١٨٨٢) ئه‌ویش ده‌ست به‌جێ په‌لامارى بۆ زمانه‌كه‌یان برد..!!
ئه‌مه‌ش زۆر به‌وردى و له‌سه‌ر خۆ كردى بۆ ئه‌وه‌ى كه‌س هه‌ستى پێ نه‌كات...كه بیرێكى ژه‌هراوى وا هه‌یه..!!
سه‌یرى كرد هۆى مانه‌وه‌و تێكچوونى زمانه‌كه‌یان(ئه‌زهه‌ر)ى پیرۆزه.. كه‌واته باش وایه ئه‌زهه‌ر قه‌ڵاچۆ بكات..به‌ڵام نه‌ك به‌و شێوه پارچ و خاكه‌ناز بگرێ به ده‌ستتیه‌وه‌به بناغه‌وه بیهێنێ.. نه‌خێر.. ئه‌ى چی بكات باشه پیلانه‌كه‌ى و كه‌سیش پێ نه‌زانێ؟
هه‌ڵسا به كردنه‌وه‌ى چه‌ندان قوتابخانه له ده‌وروبه‌رى ئه‌زهه‌ردا له‌سه‌ر جوانترین هه‌نده‌زه‌و، یاساو به‌رنامه‌یشى بۆ دانا به ئاره‌زووى خۆى، بێجگه له‌وه‌ش بڕیاریدا هه‌ركه‌س بچێته ئه‌و قوتابخانانه به شه‌ش، حه‌وت ساڵ بڕوانامه‌ى بۆ بكات و له ده‌زگاكاندا دایبمه‌زرێنێ وه ئه‌وه‌ى بڕوانامه‌ى ئه‌زهه‌رى هه‌بێ بیست ساڵ بمێنێته‌وه ئه‌وجا بڕوانامه‌ى بۆ ئه‌كات وه له مووچه‌شدا جیاوازییه‌كى ئه‌وتۆى نه‌بوو.
ئه‌مه‌ش به یارمه‌تى كه‌سانێ كه به ناو موسڵمان و(موسڵمانى خافڵاو) و كه‌سانى بێ ویژدانى دار ده‌ستى دوژمنانى ئیسلام(مه‌سیحییه‌ت، جووله‌كه، عه‌لمانییه‌ت) توانیان ئه‌م چه‌كه به ناو هه‌موو مێشكى لاوانى مووسڵمان بڵاو بكه‌نه‌وه وه‌كو لویس به نه‌ته‌وه‌كه گوت:ئه‌گه‌ر ویستان به‌سه‌ر مووسڵمانه‌كاندا زاڵ بن ته‌نیا متمانه مه‌كه‌نه سه‌ر چه‌ك، ئه‌نجامى متمانه‌كردنى سه‌ر جه‌نگتان بینى، ئه‌گه‌ر ویستان به‌سه‌ریاندا سه‌ركه‌ون له ناو بیروباوه‌ڕیان جه‌نگیان له‌گه‌ڵ بكه‌ن!!!دوژمنانى ئیسلام به‌م شێوه‌ى خواره‌وه به كورتى باس ده‌كه‌ین كه چۆن یاریان به ژیانى مووسڵمانان كرد و ئه‌مه‌ش به چه‌ند قۆناغێك و نه‌خشه دانانێك بۆ نمونه:
١. (ده‌نلوپ) كه راوێژكارى وه‌زاره‌تى زانیارى بوو له میسر، هه‌ر له سه‌ره‌تاوه مامۆستاى زمانى عه‌ره‌بى له پله‌و پایه‌ى دوورخسته‌وه- له قوتابخانه- به‌ڵكو هه‌موو كۆمه‌ڵگه‌ى دوورخسته‌وه‌و مووچه‌ى مامۆستاى بابه‌ته سه‌ره‌كییه‌كانى وه‌كو ئینگلیزى، جوغرافیا، مێژوو، بیركارى...كرده دوازده جونه‌یهیى و هى مامۆستاى عه‌ره‌بى چوار جونه‌یهى!!
٢. وانه‌ى ئایینى له كۆتاى زه‌نگ دانا تاوه‌كوو منداڵان تاقه‌تیان نه‌مێنێ به‌و گه‌رمایه خواخوایان بوو مامۆستا كه وانه ته‌واو كات هه‌ر جۆرێك بووه. وانه‌ى ئایینى مه‌سیحى یه‌كه‌م وانه بوو كه ده‌نلوپ له میسرى ئیسلامى دایمه‌زراند له‌و كاته‌دا قوتابیان له سه‌ره‌تاى چالاكیان بوون و وانه‌ى ئاینیش له كاتى تاقیكردنه‌وه حسێب نه‌ده‌كرا!! ئه‌مه له‌و كاته‌دا رووى دا كه مووسڵمانان به ئه‌و په‌ڕى شانازییه‌وه له گه‌ڵ دینه‌كه‌یان بوون و هه‌وڵیان بۆ ئه‌دا، هه‌ر كه دووچارى ئه‌م پلانانه بوون كه بێ ئه‌وه‌ى خۆیان هه‌ستى پێی بكه‌ن وایانده‌زانى پلانى دوژمنانى ئیسلام له دڵسۆزیانه! نه‌یانزانى كه ئه‌م ژه‌هره له ناو ره‌گه‌كانى له‌شیان ته‌شه‌نه ده‌كات.
٣. كام مامۆستاى كه‌م توانابووایه‌و تاقه‌تى ده‌رس وتنه‌وه‌ى نه‌بوایه ئه‌وه‌ى داده‌نا تا ده‌رسه‌كه بڵێته‌وه پاش ئه‌وه‌ى كه مامۆستا پیره‌كه به به‌ڵغه‌م و كۆخه كۆخه ده‌رسه‌كه‌ى ده‌وته‌وه و ده‌یوت رۆڵه له به‌رى بكه‌ن. ئیتر بێ ئه‌وه‌ى بۆیان روونبكاته‌وه جوانێكات له به‌رچاویان و تێ یانگه‌یه‌نێت.ئه‌مانه هه‌مووى روویدا كه ئێستاشى له‌گه‌ڵ بێت به‌رده‌وامن خه‌ڵكى ئه‌وه‌ى له ئیسلام تێگه‌یشتبوو و حه‌زى نه‌ده‌كرد به بێ عیززه‌تى بژى هه‌ڵسان له ده‌وڵه‌ت و داگیركه‌ر و له توانایاندا نه‌ما ئه‌و هه‌موو ناعه‌داله‌تییه...وه‌ك برایانى موسڵمان(اخوان المسلیمین) كه دروست بوو، بۆ ئه‌وه دروست نه‌بوو كه به‌دواى حه‌زو ئاره‌زووى خۆى بكه‌وێت بۆ ئه‌وه دروست نه‌بوو كه ببێته دارده‌ستى داگیركه‌ر دژى نه‌ته‌وه‌كه‌ى و مووسڵمانانى جیهان به گشتى ئه‌وانه‌ى كه ئه‌مڕۆ لافى ئیسلامه‌تى لێى ده‌ده‌ن و به‌ناوى مووسڵمانانه‌وه هه‌ر كارێك كه ئیسلام پێی ناخۆش بێت ده‌یكه‌ن ئه‌مه‌ش پیلانى جووله‌كه‌یه تا مووسڵمانان له ناو خۆیان كێشه‌یان بۆ دروست بێت و یان ئه‌وانه‌ى له ئیسلام تێنه‌گه‌یشتوون به هه‌ڵه تێ یان بگه‌یه‌نن كه ئیشلام دژى هه‌موو مرۆڤایه‌تییه، هه‌روه‌ها ئه‌مه به‌ڵێنێكه له پێغه‌مبه‌ره‌وه (صلى الله علیه و سلم): یبعث الله على راس كل قرن من یجدد لهذه الامه امر دینها واته: خواى گه‌وره له سه‌ره‌تاى هه‌ر سه‌ده‌یه‌ك یه‌كێك بۆ ئه‌م نه‌ته‌وه‌ى ئیسلامه ده‌نێرێ كه كاروبارى ئاینه‌كه‌یان بۆ نوێ بكاته‌وه. (ئه‌بوو داود و حاكم له(مستدرك) ده‌ریانهێناوه. دوژمنانى ئیسلام هیچ كات به‌زه‌ییان به مووسڵماناندا نه‌هاتۆته‌وه بگره زۆر بێ ره‌حمانه به راست و چه‌پ له مووسڵمانانیان داوه...وه‌ك وه‌ك (ریتشارد) ى ئینگلیزى له به‌رده‌م(بیت المقدس) سێ هه‌زار دیلى موسڵمانى كوشت. ئیسلام به چاوى رێزه‌وه ته‌ماشاى مرۆڤ ده‌كات..
هه‌روه‌ك پێغه‌مبه‌ر (صلى الله علیه و سلم)تاریفى هاوڵه به سۆزه‌كانى ئه‌كات به‌وه‌ى كه چاك ئه‌جوڵێنه‌وه له‌گه‌ڵ دیله‌كانیاندا(احسنوا اسارهم)..)
مووسڵمانان ئاوا ئه‌جوڵێنه‌وه له‌گه‌ڵ دیله‌كانیاندا ئه‌ى خۆ وه‌ك ناپلیۆن داواكه‌رى مافى ئاده‌میزاد له شۆڕشی فه‌ره‌نسادا ناكات كه به جارێك چوار هه‌زار دیل بكوژێ!
ئیتر ئه‌مریكا له باس نایت ئه‌مریكاى پێشكه‌وتن خواز ئه‌مریكاى سه‌ر زارى زۆربه‌ى لاوه‌كان، به‌ڵێ ئه‌وه‌ى سپى پێسته خاوه‌ن رێزو پله‌یه، به چاوێكى پڕ له سۆزه‌وه ته‌ماشا ده‌كرێ، كه‌چى ئه‌وه‌ى ره‌شت پێسته زۆر بێ نرخ و بێ رێزه.. وه به هیچ جۆرێ یه‌كسانى له نێوانیاندا نییه.. با هه‌ردووكیشیان ئه‌مریكى بن.. سه‌ره‌ڕاى ئه‌وه‌ش هێندێ له وڵاته یه‌كگرتووه‌كان جۆره یاساییه‌كى سه‌ر سوڕهێنه‌ریان هه‌یه كه ویژدانى مرۆڤایه‌تى و ژیریی ساغ ئێقى لێ ئه‌كاته‌وه..!
هه‌ر ژن و ژن خواستنێك رێك بكه‌وێ له نێوان سپی پێست و ره‌ش پێستێكدا، ئه‌وه به پێ ی یاساى میرى ئه‌و(عه‌قده) به‌تاڵ و ناڕه‌وایه..!
بێجگه ئه‌مانه‌ش خۆ ئه‌گه‌ر كه‌سێك هه‌ڵسێ به داواى مافى یه‌كسانیی له به‌رده‌م یاسادا ئه‌وا سزا ئه‌درێ به‌م جۆره‌ى خواره‌وه:
١-ئه‌بێ(٥٠٠) پێنج سه‌د دۆلار بدات به ده‌وڵه‌ت.
٢- یا(٦) شه‌ش مانگ به‌ند بكرێ و به‌ندیخانه ببینێ، خۆ ئه‌گه‌ر میرى ئاره‌زووى هه‌بێ به هه‌ردوو شێوه‌كه سزاى ئه‌دات. بۆ زیاتر سوود وه‌رگرتن و به پێزبوونى بابه‌ته‌كه سوودم له‌م سه‌رچاوانه‌ى خوه‌اره‌وه وه‌رگرتووه..
سه‌رچاوه‌كان:
١. له كێشه‌كانى هزرى ئیسلامى هاوچه‌رخ(محمد قطب)
٢. مه‌شخه‌ڵى ڕێ(سید قطب)
٣.سه‌ربه‌ستى له ئیسلامدا (ئه‌حمه‌دى كاكه محمود)
0 التعليقات:
إرسال تعليق